ანზორ დიასამიძე

დაბადების ადგილი: სოფელი ცინარეთი, შუახევის მუნიციპალიტეტი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტის ბიოლოგია–გეოგრაფიის ფაკულტეტი 1964 წელს.

1969 წლიდან მუშაობს ბათუმის შოთა რუსთაველის სახელობის სახელმწიფო პედაგოგიურ ინსტიტუტში სხვადასხვა თანამდებობაზე; 2006 წლიდან შოთა რუსთაველის სახელობის სახელმწიფო უნივერსიტეტის ბიოლოგიური დეპარტამენტის სრული პროფესორი და იმუნოგენეტიკის სამეცნიერო კვლევითი ლაბორატორიის გამგეა; მისი კვლევის ძირითადი სფეროა ციტრუსების, ჩაისა და ზოგიერთი ხეხილოვანი მცენარის სელექციისა და გენეტიკის პრობლემები; მისი ბოლო პერიოდის გამოკვლევა ეხება სისხლის ერითროციტული ჯგუფის ანტიგენების გენოგეოგრაფიას აჭარის მოსახლეობის პოპულაციაში და მათ ასოცირებას სხვადასხვა სახის პათოლოგიასთან; ბიოლოგიურ მეცნიერებათა დოქტორი (1995), პროფესორი (1996).

წყარო: საქართველო: ენციკლოპედია: ტ.2. – თბ., 2012. – გვ.401; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ. 248

• 1999 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი პირადი დიდი წვლილის, ნაყოფიერი სამეცნიერო - პედაგოგიური და საზოგადოებრივი მოღვაწეობისათვის

• ბიოევოლუცია : სახელმძღვ. უნ-ტის საბუნებისმეტყვ., სას.-სამ. და სამედ. ფაკ. სტუდ. (ავტორი). - ბათუმი, შოთა რუსთაველის სახელმწ. უნ-ტის გამ-ბა და სტ., 2008. - 744გვ.
• გენეტიკა : სახელმძღვ. უმაღ. სასწ. ბიოლოგიის სპეც. სტუდ. (თანაავტორი). - ბათუმი, შოთა რუსთაველის სახელმწ. უნ-ტის გამ-ბა და სტ., 1998. - 456გვ.