გლახა ციციშვილი

გლახა ციციშვილი იყო XVIII საუკუნის I ნახევრის შუა წლების აღმოსავლეთ საქართველოს პოლიტიკური მოღვაწე, ბოლნისის მოურავი. 1747 წელს მიემხრო აბდულა–ბეგს და იბრძოდა ერეკლე II–ის წინააღმდეგ. 1749 წელს ერეკლემ აიღო ბოლნისი, აბდულა–ბეგის სხვა მომხრეებთან ერთად გლახა ციციშვილი დააპატიმრა და თბილისში მიიყვანა. დაპატიმრებულთა განთავისუფლების საფასურად აბდულა–ბეგმა დათმო ბირთვისის ციხე. გლახა ციციშვილმა მონაწილეობა მიიღო პაატა ბატონიშვილის შეთქმულებაში, რისთვისაც, დარბაზის გადაწყვეტილებით, ენა ამოჰკვეთეს.

წყარო: ქართული საბჭოთა ენციკლოპედია: ტ.11.–თბ.,1987.–გვ.235