ბესიკ კოჭლამაზაშვილი

დაბადების ადგილი: ქ. სიღნაღი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1976 წელს.

1976–1979წწ. - თბილისის სახელმწიფო სამედიცინო ინსტიტუტის პათანატომიის კათედრის ასპირანტი; 1979–1987წწ. - ასისტენტი; 1987–1989წწ. - უფროსი მასწავლებელი; 1989 წლიდან - ამავე კათედრის დოცენტი; 1991–1992წწ. - თბილისის სახელმწიფო სამედიცინო ინსტიტუტის სამკურნალო ფაკულტეტის დეკანი; თბილისის სახელმწიფო სამედიცინო უნივერსიტეტის პათოლოგიური ანატომიის ასოცირებული პროფესორი; ავტორია სამეცნიერო ნაშრომებისა გერონტომორფოლოგიის, იმუნომორფოლოგიის, აუტოიმუნური პროცესების შესახებ. უმაღლესი კატეგორიის პათოლოგანატომი, მედიცინის მეცნიერებათა დოქტორი (2003), პროფესორი.

საკანდიდატო დისერტაციის თემა – "ლიმფოიდური ორგანოების მორფოლოგიურ ცვლილებათა ასაკობრივი თავისებურებანი ნორმასა და ექსპერიმენტული აუტოიმუნური კარდიომიოპათიის დროს", დაიცვა 1985 წელს; სადოქტორო დისერტაციის თემა - "გნოტობიონტების იმუნოკომპეტენტური ორგანოების მორფოლოგიური თავისებურებანი პოსტნატალურ ონტოგენეზში", დაიცვა 2003 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.164; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.343

• ათეროსკლეროზის საერთაშორისო საზოგადოება, წევრი
• საქართველოს ექიმთა ასოციაციის დირექტორატი, წევრი

• სტომატოლოგიური პათოლოგია : სახელმძღვ. (თანაავტორი). - თბილისი, 2010. - 89გვ. . - ISBN: 9994009281
• პათოლოგიური ანატომია : (ტესტები) (თანაავტორი). - თბილისი, 2002. - 241გვ.