ტრიფონ თაბუკაშვილი

დაბადების ადგილი:  სოფელი ფარცხნალი, შორაპნის მაზრა.

დაამთვრა ხონის საოსტატო სამასწავლებლო სემინარია 1886 წელს.

სემინარიის დასრულების შემდეგ იგი სოფელ ძიმითის დაწყებითი სკოლის მასწავლებლად დანიშნეს; 1888 წლიდან ხარაგაულის დაწყებითი სკოლის მასწავლებლად გადაიყვანეს; 1896 წელს ხონის საოსტატო სემინარიაში მიიწვიეს მოსამზადებელი კლასის მასწავლებლად და სემინარიელთა საცდელი გაკვეთილების ხელმძღვანელად ქართულ ენაში. პოლიტიკურად არაკეთილსაიმედოობის გამო იგი განჯაში გადაიყვანეს რუსული ენისა და ისტორიის მასწავლებლად. მხოლოდ 1917 წელს გახდა შესაძლებელი მისი საქართველოში სამუშაოდ გადმოყვანა. ხარაგაულის საზოგადოების მოთხოვნით იგი სკოლის გამგედ დანიშნეს. აქ იგი დიდი პოპულარობით სარგებლობდა, შემდეგ თბილისში გადმოვიდა სამუშაოდ. უკანასკნელად იგი თბილისის ცენტრალურ პედაგოგიურ ინსტიტუტში მოღვაწეობდა. თავის მდიდარ პედაგოგიურ-მეთოდურ გამოცდილებას ყოველდღიურ პედაგოგიურ პრაქტიკაში იყენებდა და საფუძვლად დაუდო იმ სასკოლო სახელმძღვანელოებსა და მეთოდურ ნაშრომებს, რომლებიც მის კალამს ეკუთვნის. ათეული წლების განმავლობაში ემსახურებოდა ქართველ საზოგადოებას, ახალგაზრობაში სწავლა-განათლების დანერგვა-გავრცელების საქმეს. შალვა თაბუკაშვილის მამა.

წყარო: განმანათლებლობა საქართველოში: იდეები და მოღვაწეები: nateba.webbreeze.net; ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.235

• ქართველთა შორის წერა-კითხვის გამავრცელებელი საზოგადოების ხარაგაულის განყოფილება , დამფუძნებელი, წევრი

• ქართული ენა : სახელმძღვ. არაქართული სკოლის მე-5 კლასისათვის (ავტორი). - თბილისი, ცოდნა, 1958. - 104გვ.
• განთიადი (ავტორი). - ტფილისი, 1923