სარგის კაკაბაძე

დაბადების ადგილი: სოფელი კუხი, ხონის რაიონი.

სწავლობდა ვენის უნივერსიტეტში, დაამთავრა პეტერბურგის უნივერსიტეტის აღმოსავლური ენების ფაკულტეტი.

1911-1919წწ. კითხულობდა ლექციებს თბილისის ქალთა უმაღლეს კურსებზე, ხოლო შემდეგ, 1952 წლამდე, საქართველოს სხვადასხვა უმაღლეს სასწავლებელში; 1918-1932წწ. იყო სსრკ მეცნიერებათა აკადემიის კავკასიის ისტორია-არქეოლოგიის ინსტიტუტის თანამშრომელი; 1921-1926წწ. საქართველოს ისტორიის არქივის გამგე; 1945-1961წწ. იმავე არქივის ძველი აქტების განყოფილების გამგე; 1924-1934წწ. ხელმძღვანელობდა სიძველეთა დაცვის კომიტეტს. პარალელურად ეწეოდა პედაგოგიურ მოღვაწეობას. 1911-1919წწ. კითხულობდა ლექციებს თბილისის ქალთა უმაღლეს კურსებზე, ხოლო შემდეგ, 1952 წლამდე, საქართველოს სხვადასხვა უმაღლეს სასწავლებელში. პედაგოგიურ მოღვაწეობასთან ერთად აქტიურ საზოგადოებრივ საქმიანობას ეწეოდა. გამოქვეყნებული აქვს შრომები საქართველოს სოციალურ-ეკონომიკური და პოლიტიკური ისტორიის, დამხმარე ისტორიის დისციპლინების, ფილოლოგიისა და ტექსტოლოგიის საკითხებზე. შეისწავლა და გამოაქვეყნა მრავალი ისტორიული დოკუმენტი. მისი რედაქტორობით გამოქვეყნდა "ვეფხისტყაოსანი" ვრცელი გამოკვლევებით (1913, 1927), ჩახრუხაძის "თამარიანი" (1937), შავთელის "აბდულმესიანი" (1913, 1937) და "ამირანდარეჯანიანი" (1939). მუშაობდა ეთნოგენეზის, ისტორიული გეოგრაფიისა და დემოგრაფიის, ადმინისტრაციული დაყოფისა და მმართველობის საკითხებზე. იყო "საისტორიო მოამბის" (1924-1925, 4 წიგნი), "საისტორიო კრებულის" (1928-1929, 4 წიგნი) რედაქტორი. სარგის კაკაბაძე იყო ქუთაისის პედაგოგიური ინსტიტუტის ერთ-ერთი დამაარსებელი.

წყარო: ქართული საბჭოთა ენციკლოპედია: ტ. 5.-თბ., 1980.-გვ.323;  ბურუსი - BURUSI : burusi.wordpress.com

• დიდგორის ომი (ავტორი). - თბილისი, განათლება, 1982. - 138გვ.
• შოთა რუსთაველი და მისი ვეფხისტყაოსანი : პოემის ანალიზი და საქართველოს ისტორიის ზოგიერთი საკითხი (ავტორი). - თბილისი, განათლება, 1966. - 343გვ.
• ვახტანგ გორგასალი : მონოგრაფია (ავტორი). - თბილისი, ცოდნა, 1959. - 86გვ.
• საისტორიო ძიებანი (ავტორი). - ტფილისი, სახელმწ. გამომც., 1924. - 193გვ.
• საქართველოს ისტორია : ახალი საუკუნეების ეპოქა (1500-1810 წ.წ.) (ავტორი). - ტფილისი, ქართველთა შორის წერა-კით. გამავრც. საზოგადოების გამოც. N238, 1922. - 279გვ.