გერასიმე კალანდარიშვილი

დაბადების ადგილი: სოფელი ნიგოითი, ოზურგეთის მაზრა.

დაამთავრა კიევის სასულიერო აკადემია.

1861 წელს დაინიშნა ქუთაისის სასულიერო სასწავლებლის ზედამხედველად, სადაც 13 წლის განმავლობაში მუშაობდა. იგი არა მარტო კარგი მასწავლებელი და გამოცდილი მეთოდისტი იყო, არამედ დროის მოთხოვნილების სიმაღლეზე მდგარი თეორიული ცოდნით აღჭურვილი პედაგოგი და ავტორი რიგი პუბლიცისტური სტატიებისა და პოლემიკური წერილებისა ("დროება", "მნათობი", "კრებული"). "რუსული ენის დაწყებითი პრაქტიკული კურსი ქართველთათვის, შედგენილი გ. კალანდარიშვილის მიერ" პირველად 1866 წელს გამოიცა თბილისში, მეორედ - 1868 წელს. მას შემდეგ ის ავტორის სიცოცხლეში არ გამოცემულა. მისი ხანმოკლე ღვაწლი ერთგვარი სათავე გახდა ქართული პედაგოგიკური აზროვნების იმ მტკიცე მაგისტრალისა, რომელიც შემდეგ იაკობ გოგებაშვილმა გაავლო. იგი სიტყვითა და საქმით ემსახურებოდა სახალხო განათლების დიდ საქმეს.

წყარო: სახალხო განათლების ქართველი მოღვაწეები და სახალხო მასწავლებლები. კრ. 1/საქართველოს სსრ განათლების სამინისტროს სახალხო განათლების სახელმწიფო მუზეუმი, ვ. ქაჯაიას რედაქციით. -თბ., 1953. გვ.-157-162

• რუსულის ენის დაწყებითი პრაქტიკული კურსი ქართველთათვის (ავტორი). - Тифлис, тип. Меликова и К., 1868. - 243გვ.
• სახელმძღვანელო რუსული ენის სასწავლებლად ქართველ ახალ მოსწავლე ყმაწვილებისათვის (ავტორი). - Тифлис, тип. Меликова и Ко, 1865. - 74გვ.