ვლადიმერ ქუმსიშვილი

დაბადების ადგილი: ქ. ბორჯომი.

დაამთავრა თბილისის სახელმწიფო უნივერსიტეტის აგრონომიული ფაკულტეტი აგრონომ-ზოოტექნიკოსის კვალიფიკაციით 1929 წელს.

1929 წელს მუშობა დაიწყო მიწსახკომის საქართველოს ცენტრალურ ზოოტექნიკურ საცდელ სადგურში; 1931-1933წწ. ამიერკავკასიის მეღორეობის ზონალურ საცდელ სადგურში(სენაკი) დირექტორის მოადგილედ სამეცნიერო ნაწილში და მომშენებლობის განყოფილების გამგედ; 1934-1936წწ. ამიერკავკასიის მეცხოველეობის სამეცნიერო-კვლევითი ინსტიტუტის მეცხვარეობა-მეთხეობის განყოფილების უფროსი მეცნიერ-თანამშრომელია; 1936-1941წწ. მუშობს აზერბაიჯანის მეცხოველეობის საცდელ სადგურში წვრილფეხა მეცხოველეობის განყოფილების გამგედ; 1942-1949წწ.(წყვეტილობით) დმანისის რაიონის ბაშკიჩეთის სანაშენე მეურნეობაში ფერმის გამგის, ზოოტექნიკოსის, სელექციონერის და უფროსი ზოოტექნიკოსის თანამდებობაზე; 1949 წლიდან საქართველოს ზოოვეტერინარული ინსტიტუტის მეცხოველეობის კათედრაზე მიჰყავს მატყლმცოდნეობის კურსი ზოოტექნიკურ ფაკულტეტზე, 1959 წლიდან შეთავსებით მუშობს დეკანის მოადგილედ; 1963-1968წწ. ზოოვეტერინალური ინსტიტუტის სასოფლო-სამეურნეო ცხოველთა ხელოვნური დათესვლის განყოფილების უფროსი მეცნიერ-თანამშრომელია, ხოლო 1968-1976წწ. მატყლმცოდნეობის განყოფილების უფროსი მეცნიერ თანამშრომელი. მისი სამეცნიერო მოღვაწეობის სფეროა მეთხეობის, მეცხვარეობის, მატყლმცოდნეობის, მეძროხეობის, მეღორეობის, მებოცვრეობის და სხვა საკითხები. არის 50-მდე სამეცნიერო ნაშრომის და სამი სახელმძღვანელოს ავტორი. სოფლის მეურნეობის მეცნიერებათა კანდიდატი, დოცენტი (1950), ზოოტექნიკოსი.

საკანდიდატო დისერტაციის თემა - "ანგორის თხის ახალი აზერბაიჯანული სამატყლე-მეხორცული-მერძეული ტიპის შექმნისთვის", დაიცვა 1948 წელს.

წყარო: საქართველოს ზოოტექნიკური განათლებისა და მეცნიერების ფუძემდებლები. – თბ., 2004. – გვ.172

• ცხვრის პარსვა (ავტორი). - თბილისი, საბჭ. საქართველო, 1964. - 86გვ.
• მატყლმცოდნეობა : სახელმძღვ. (ავტორი). - თბილისი, ცოდნა, 1961. - 202გვ.