პავლე მაჭავარიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1974 წელს.

1974–1980წწ. - მ. წინამძღვრიშვილის სახელობის კარდიოლოგიის ინსტიტუტის ექიმი; 1980–1985წწ. - უმცროსი მეცნიერ-თანამშრომელი; 1985–1994წწ. - უფროსი მეცნიერ-თანამშრომელი, 1994 წლიდან - განყოფილების ხელმძღვანელი; 2014 წლიდან აკად. გ. ჩაფიძის სახელობის გადაუდებელი კარდიოლოგიის ცენტრის კარდიოლოგი; 2002 წლიდან -  შპს   "სპექტრის" კარდიოლოგი; 2001 წლიდან - თბილისის სახელმწიფო უნივერსიტეტის მედიცინის ფაკულტეტის შინაგან სნეულებათა კათედრის პროფესორი. გამოქვეყნებული აქვს 50-ზე მეტი სამეცნიერო ნაშრომი კარდიოლოგიაში; არის მეთოდური რეკომენდაციებისა და წერილების ავტორი. ექიმი-კარდიოლოგი, მედიცინის მეცნიერებათა დოქტორი (1994), პროფესორი.

საკანდიდატო დისერტაციის თემა - "მიოკარდიუმის მწვავე ინფაქტით ავადმყოფთა მკურნალობა სუსტაკით, ობზიდანით და მათი კომბინაციით", დაიცვა 1983 წელს; სადოქტორო დისერტაციის თემა - "სისტემური თრომბოლიზური თერაპიის გავლენა მიოკარდიუმის მწვავე ინფარქტით ავადმყოფთა მარცხენა პარკუჭის კუმშვადობაზე, ინფარქტის ზომაზე, დაავადების  მიმდინარეობასა და მის პროგნოზზე", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.192; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.350; მედპორტალი: medportal.ge

• ევროპის კარდიოლოგთა საზოგადოება, წევრი
• საქართველოს კარდიოლოგთა საზოგადოება, წევრი

• ST სეგმენტის ელევაციით გამოვლენილი მიოკარდიუმის მწვავე ინფარქტის მართვა : სახელმძღვანელო რეკომენდაციები (შემდგენელი). - თბილისი, 2003. - 55გვ.