გურამ მენთეშაშვილი

დაბადების ადგილი: ქ. დმანისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1973 წელს.

1974–1978წწ. იყო ახმეტის რაიონის რაიონისა და რაიონული საავადმყოფოს ქირურგი, მთავარი ექიმის მოადგილე სამკურნალო დარგში; 1978–1990წწ. სსრკ მედიცინის მეცნიერებათა აკადემიის სამედიცინო რადიოლოგიის კვლევითი ინსტიტუტის ორდინატორი, ასპირანტი, უმცროსი მეცნიერ–თანამშრომელი, კლინიკის მთავარი ექიმი, არის ონკოლოგიის სამეცნიერო–კვლევითი ცენტრის აბდომინური განყოფილების უფროსი მეცნიერ–თანამშრომელი. ავტორია 28 სამეცნიერო ნაშრომისა, რომლებიც ეხება სწორი ნაწლავის კიბოს, კუჭის კიბოს, რეტროპერიტონული ორგანოსგარეშე სიმსივნეების მკურნალობას. ქირურგ–ონკოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "სწორი ნაწლავის ადგილობრივად გავრცელებული კიბოს კომბინირებული მკურნალობა წინასაოპერაციო თერმორადიოთერაპიით', დაიცვა 1988 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.199

• საქართველოს ონკოლოგთა საზოგადოება, წევრი

• საკავშირო გამოფენის ვერცხლის მედალი
• ახალგაზრდა მეცნიერთა კალუგის კომკავშირის პრემია