თინათინ მიქაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1979 წელს.

1979–1981წწ. იყო  ბავშვთა ასაკის სტომატოლოგიის კათედრის კლინიკური ორდინატორი ორთოდონტიაში; 1981–1995წწ. ამავე კათედრის ასისტენტი, 1995 წლიდან დოცენტი; თბილისის სახელმწიფო სამედიცინო უნივერსიტეტის ორთოდონტიის დეპარტამენტის პროფესორი. ავტორია სამეცნიერო ნაშრომებისა, ყბა-კბილთა სისტემის ანომალიებისა და დეფორმაციების, ზედა ტუჩისა და სახის თანდაყოლილი ნაპრალის მკურნალობის პრობლემებზე. ექიმი-სტომატოლოგი, მედიცინის მეცნიერებათა დოქტორი (1999), პროფესორი (2004).

საკანდიდატო დისერტაციის თემა - "საქართველოს სსრ თამბაქოს, ჩაისა და ციტრუსების მწარმოებელ სასოფლო–სამეურნეო რაიონებში დაბადებულ და მცხოვრებ ბავშვთა კბილთა ამოჭრის ვადები და კბილთა და თანკბილვის მდგომარეობა", დაიცვა 1988 წელს; სადოქტორო დისერტაციის თემა - "ყბა-კბილთა სისტემის დეფორმაციების კლინიკა და ორთოდონტული მკურნალობა ზედა ტუჩისა და სასის თანდაყოლილი ნაპრალის მქონე ბავშვებში და მოზარდებში", დაიცვა 1998 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.206; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.353

• საქართველოს სტომატოლოგთა ასოციაცია, პრეზიდიუმის წევრი

• პირის ღრუს პროფილაქტიკა სეფსისით დაავადებულ და სეფსისგადატანილ ბავშვებში : (მეთოდ. რეკომენდაცია) (შემდგენელი). - თბილისი, თბილ. სამედ. აკად., 1993. - 8გვ.
• სტომატოლოგი გირჩევთ (თანაავტორი). - თბილისი, საბჭ. საქართველო, 1990. - 27გვ.