ქეთევან მჭედლიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1981 წელს.

1981–1983წწ. იყო მოსკოვის ა. ბაკულევის სახელობის გულ–სისხლძარღვთა ქირურგიის სამეცნიერო ცენტრის კლინიკური მიზნობრივი ორდინატურის კლინიკური ორდინატორი, 1984–1987 წლებში ასპირანტი კარდიოლოგიის სპეციალობით, 1988 წლიდან იყო ამავე ცენტრის ბავშვთა თანდაყოლილ მანკთა განყოფილებაში უმცროსი, 1991 წლიდან უფროსი, 1995 წლიდან წამყვანი მეცნიერ–თანამშრომელი. ავტორია 38 სამეცნიერო ნაშრომისა გულის თანდაყოლილი მანკების, ექოკარდიოგრაფიული დიაგნოსტიკის, გულის თანდაყოლილი მანკების  ოპერაციამდელი და ოპერაციის შემდგომი პერიოდის თერაპიული მკურნალობის ასპექტებზე. მისი ხელმძღვანელობით დაცულია 2 საკანდიდატო დისერტაცია. კარდიოლოგი(ბავშვთა), მედიცინის მეცნიერებათა კანდიდატი.

საკანდიდატო დისერტაციიის თემა - "ერთპარკუჭიანი გულის ექოკარდიოგრაფიული დიაგნოსტიკა", დაიცვა 1989 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.214

• მოსკოვის კარდიოლოგთა სამეცნიერო საზოგადოება, წევრი