დავით დოლიძე

დაბადების ადგილი: სოფელი ბუკნარი, ჩოხატაურის რაიონი.

დაამთავრა თბილისის სახელმწიფო უნივერსიტეტი 1928 წელს.

1934-1938წწ. იყო თბილისის სატყეო ინსტიტუტის, ხოლო 1939-1947წწ. საქართველოს სასოფლო–სამეურნეო ინსტიტუტის მათემატიკის კათედრის გამგე; 1941-1945წწ. საქართველოს მეცნიერებათა აკადემიის მათემატიკისა და საბუნებისმეტყველო მეცნიერებათა განყოფილების სწავლული მდივანი; 1947-1954წწ. თბილისის სახელმწიფო უნივერსიტეტის პრორექტორი სასწავლო ნაწილში; 1949-1954წწ. ტექნიკური მექანიკის კათედრის გამგე; სწავლობდა ბლანტი სითხის არასტაციონალურ სასაზღვრო ამოცანათა ამონახსნების ეფექტური აგების, არსებობისა და ერთადერთობის საკითხებს; იყო საქართველოში ჰიდროაერომექანიკის დარგის მეცნიერული კვლევის ფუძემდებელი; 1960 წელს მიღებული აქვს თბილისის სახელმწიფო უნივერსიტეტის ივანე ჯავახიშვილის სახელობის პირველი პრემია სახელმძღვანელოსთვის "ჰიდრომექანიკა". ფიზიკა–მათემატიკის მეცნიერებათა დოქტორი (1945), პროფესორი (1945).

წყარო: საქართველო: ენციკლოპედია: ტ.2. – თბ., 2012. – გვ.473

• ჰიდროაერომექანიკა : სახელმძღვ. მექანიკა-მათემატიკის ფაკ-ტის სტუდ. (ავტორი). - თბილისი, თბილ. უნ-ტის გამ-ბა და სტ., 1960. - 402გვ.