მანანა ჟვანია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრული ფაკულტეტი 1965 წელს.

1965-1967წწ. იყო მოსკოვის ი. ვ. სეჩენოვის სახელობის სამედიცინო ინსტიტუტის ბავშვთა სნეულებათა კლინიკის სტაჟიორი; 1967-1970წწ. ასპირანტი; 1971-1977წწ. მოსკოვის I სამედიცინო ინსტიტუტის ბავშვთა სნეულებათა კლინიკის უმცროსი მეცნიერ-თანამშრომელი; 1977-1987წწ. უფროსი მეცნიერ-თანამშრომელი; 1987-1994წწ. თბილისის სახელმწიფო სამედიცინო ინსტიტუტის ჰოსპიტალური პედიატრიის კათედრის პროფესორი; 1994 წლიდან კათედრის გამგე. ავტორია 10 სამეცნიერო ნაშრომის. გამოცემული აქვს მონოგრაფიები. პედიატრი, მედიცინის მეცნიერებათა დოქტორი.

საკანდიდატო დისერტაციის თემა - "დერმატომოზიტის კლინიკა და მიმდინარეობა ბავშვებში", დაიცვა 1970 წელს; სადოქტორო დისერტაციის თემა - "საყრდენ-მამოძრავებელი სისტემის დაზიანება შემაერთებელი ქსოვილის დიფუზიური დაზიანების დროს ბავშვებში", დაიცვა 1986 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.236; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.77

• 2000 - ღირსების ორდენი