ალექსი რობაქიძე

დაბადების ადგილი: სოფელი გოგნი, თერჯოლის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1947–1951წწ. იყო მთაწმინდის რაიონის ონკოლოგიური პუნქტის გამგე; 1948–1949წწ. სტომატოლოგიური ინსტიტუტის ნორმალური ფიზიოლოგიის კათედრის ასისტენტი; 1948 წლიდან მუშაობდა კურორტოლოგიის, ფიზიოთერაპიის და რეაბილიტაციის სამეცნიერო კვლევით ინსტიტუტში.  იყო წყალტუბოს, საირმის, ლაშიჭალისა და სიმონეთის კურორტთა კონსულტატი. ავტორია 114 სამეცნიერო ნაშრომის. მკურნალი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა -  "ჩონჩხის მუსკულატორის ტონუსის ცვლილებები ტკივილისა და ბალნეოპროცედურების გავლენით", დაიცვა 1955 წელს; სადოქტორო დისერტაციის თემა - "ორგანიზმში მინერალური წყლების ზოგიერთი ელემენტის ცვლის მექანიზმის გამოკვლევა ნეიტრონული აქტივაციის მეთოდით", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.240; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.279

• თბილისის კურორტოლოგთა და ფიზიოთერაპევტთა საზოგადოება, წევრი
• პროფილაქტიკური მედიცინის მეცნიერებათა აკადემია, წევრი
• სპორტული მედიცინის ასოციაციის პრეზიდიუმი, წევრი

• 1998 - ღირსების ორდენი
  მოსახლეობის ჯანმრთელობის დაცვაში შეტანილი პირადი დიდი წვლილისა და სისტემის რეორიენტაციის პროცესში აქტიური მონაწილეობისათვის
• 1986 - შრომის ვეტერანის მედალი
• 1970 - მედალი "ვ. ი. ლენინის დაბადებიდან 100 წლისთავის გამო"