გურამ დონდუა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფიულ-გეოლოგიური ფაკულტეტი 1950 წელს.

1953-1975წწ. მუშაობდა საქართველოს მეცნიერებათა აკადემიის ვახუშტის სახელობის გეოგრაფიულ ინსტიტუტში სწავლულ მდივნად; 1961-1974წწ. იყო ბუნების გარდაქმნის კომპლექსური კვლევის პრობლემათა საქართველოს სექციის სწავლული მდივანი; 1975 წლიდან გარდაცვალებამდე - ქსე-ის დედამიწის შემსწავლელ მეცნიერებათა რედაქციის გამგე; მონაწილეობდა II მსოფლიო ომში; იყო ფართო პროფილის გეოგრაფი; იკვლევდა საქართველოს სხვადასხვა რაიონის გეომორფოლოგიას, შეისწავლა მდინარეების ჯეჯორისა და ღარულის (რიონის მარცხენა შენაკადები) აუზების ძველმყინვარული რელიეფის ფორმები; მისი ავტორობით გამოიცა დაწყებითი კლასების გეოგრაფიისა და ბუნებისმცოდნეობის სახელმძღვანელოები და სასწალო გეოგრაფიული რუკები; მისი აქტიური მონაწილეობითა და რედაქტორობით გამოიცა "გეოგრაფიის ტერმინოლოგია" (1967); გარკვეული წვლილი შეიტანა ქართული ენციკლოპედიის გამოცემის საქმეში - დაადგინა ენციკლოპედიური ტერმინოლოგია, მოამზადა სხვადასხვა სახის გეოგრაფიული ლექსიკონები; მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. - თბ., 2012. - გვ.481

• საკავშირო ჟურნალის "გეოგრაფია სკოლაში" სარედაქციო კოლეგია, წევრი
• საქართველოს გეოგრაფიული საზოგადოების სამეცნიერო საბჭო, წევრი

• წყარო : ბუნებისმცოდნეობის სახელმძღვ. მე-3-4 კლასებისათვის (თანაავტორი). - თბილისი, განათლება, 1988. - 79 გვ.
• ბუნებისმცოდნეობა : სახელმძღვ. მე-4 კლასისათვის. - მე-3 გამოც. (თანაავტორი). - თბილისი, ცოდნა, 1963. - 162გვ.