როენა გელოვანი

დაბადების ადგილი: სოფელი ნაქალაქარი, თიანეთის რაიონი.

დაამთავრა თბილისის მუსიკალური სასწავლებელი 1940 წელს.

სასწავლებლის დამთავრებისთანავე ჩაირიცხა ვ. სარაჯიშვილის სახელობის თბილისის სახელმწიფო კონსერვატორიაში ვოკალურ განყოფილებაზე პედაგოგ ვ. ქაშაკაშვილთან; 1945-1968წწ. იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი (მეცო-სოპრანო); მის რეპერტუარში იყო, ქართული: დედინაცვალი, ნანო (ზ. ფალიაშვილი "აბესალომ და ეთერი", "დაისი"), მარო, ბაბუსი (ვ. დოლიძე "ქეთო და კოტე"), ბებია(რ. გაბიჩვაძე "ნანა"), დედა(ვ. გოკიელი "წითელქუდა"), დედა (ა. ბუკია "დაუპატიჟებელი სტუმრები"), დედოფალი (შ. მშველიძე "ამბავი ტარიელისა"); სხვა რეპერტუარი: ქსენიას დედა (მუსორგსკი "ბორის გოდუნოვი"), სემიონის დედა (პროკოფიევი "სემიონ კოტკო"), ჯიოვანა, ინესი (ვერდი "რიგოლეტო", "ტრუბადური"), მარტა (გუნო "ფაუსტი"), ლუჩია(მასკანი "სოფლის პატიოსნება"), ბერტა(როსინი "სევილიელი დალაქი"). პოეტ მირზა გელოვანის და.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 104

• 1965 - საქართველოს დამსახურებული არტისტი