გიორგი ტატიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1981 წელს.

1976-1978წწ. სწავლის პერიოდში პარალელურად მუშაობდა ქ. თბილისის გაერთიანებული სასწრაფო დახმარების კლინიკური საავადმყოფოს სანიტრად და ამავე კლინიკური საავადმყოფოს ექთანად (1978-1981); 1981 წელს ბილნისის რაიონის კაზრეთის სამედიცინო სანიტარული ნაწილის ექიმი - ქირურგი; (1981–1984) თბილისის სახელმწიფო სამედიცინო ინსტიტუტის ცენტრალური სამეცნიერო-კვლევითი ინსტიტუტის ასპირანტი გენეტიკის სპეციალობით, ჯერ სახელმწიფო სამედიცინო ინსტიტუტის, შემდეგ თბილისის სახელმწიფო სამედიცინო უნივერსიტეტის სამკურნალო ფაკულტეტის ჰოსპიტალური ქირურგიის კათედრის ასისტენტი (1984-1989); თბილისის სახელმწიფო სამედიცინო უნივერსიტეტის სამკურნალო ფაკულტეტის ქირურგიულ სნეულებათა პირველი კათედრის დოცენტი (1989-2005, პროქტოლოგიის განხრით); პარალელურად იყო თბილისის სახელმწიფო სამედიცინო უნივერსიტეტის ინტერნატურისა და საწარმოო პრაქტიკის დეკანის მოადგილე (1990-2004). ექიმი-ქირურგი, პროქტოლოგი, მედიცინის მეცნიერებათა კანდიდატი (1984).

საკანდიდატო დისერტაციის თემა - "მსხვილი ნაწლავის დიფუზური პოლიპოზის კლინიკო-გენეტიკური შესწავლა", დაიცვა 1984 წელს ( ქ. მოსკოვი, საკავშირო სამედიცინო აკადემიის სამედიცინო გენეტიკის ინსტიტუტი).

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.261; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.83-85-86