დოსითეოს ქუთათელი (ეპისკოპოსი)

აფხაზეთის (დასავლეთ საქართველო) საკათოლიკოსოს გამგებელი 1792-1814წწ., ქუთაისის ეპისკოპოსი მიტროპოლიტის წოდებით 1781-1820წწ.; დოსითეოს ქუთათელს კათოლიკოსობა უბოძა სოლომონ II-მ, მაგრამ კურთხევა არ მომხდარა; იწოდებოდა - "ყოვლადსამღვდელო ქუთათელი მიტროპოლიტი დოსითეოს და განმგე საკათალიკოსოსი"; დოსითეოსი დიდ მზრუნველობას იჩენდა ქუთაისის საეპისკოპოსო და საკათოლიკოსო ეკლესიების სამეურნეო საქმეებისადმი; მხარს უჭერდა ცენტრალური ხელისუფლების გაძლიერებას; 1789 წელს შედიოდა იმერეთის საერო და საეკლესიო თავკაცთა ჯგუფში, რომელთაც წინადადებით მიმართეს ერეკლე II-ს, გაეერთიანებინა და თავისი ძალაუფლებისათვის დაექვემდებარებინა ქართლ-კახეთისა და იმერეთის სამეფოები; 1814 წელს ხელისუფლებამ გააუქმა დასავლეთ საქართველოს საკათოლიკოსო და უშუალოდ შეუერთა იმპერიის ეკლესიას; 1819 წლის იმერეთის აჯანყების დროს დოსითეოს ქუთათელი რუსეთის ხელისუფლებამ დააპატიმრა, როგორც აჯანყების ერთ-ერთი მოთავე. რუსეთში გადასახლების დროს იგი გზაში მოკლეს.

წყარო: საქართველო: ენციკლოპედია: ტ.2. - თბ., 2012. - გვ.487