ოთარ ურუშაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს.

1982-1984წწ. კლინიკური ორდინატურა გაიარა სამედიცინო ინსტიტუტის სხივური დიაგნოსტიკისა და სხივური თერაპიის კათედრაზე; 1985-1989წწ. სწავლობდა ასპირანტურაში მოსკოვის ონკოლოგიის სამეცნიერო ცენტრში; 1995 წლიდან - თბილისის სახელმწიფო სამედიცინო უნივერსიტეტის სხივური დიაგნოსტიკისა და სხივური თერაპიის კათედრის ასისტენტი. ავტორია 37 სამეცნიერო ნაშრომისა, რომლებიც ეხება ჰეპატობილიარული და საშარდე სისტემების დიაგნოსტიკას. თბილისის სახელმწიფო სამედიცინო უნივერსიტეტის რენტგენოლოგიის დეპარტამენტის ხელმძღვანელი, ექიმი-რადიოლოგი. მედიცინის მეცნიერებათა დოქტორი (2003).

საკანდიდატო დისერტაციის თემა - "2 პროექციული ქვემო კაფოგრაფიის მნიშვნელობა სათესლე ჯირკვლის ავთვისებიანი სიმსივნეების რეტროპერიტონული მეტასტაზების კომპლექსურ დიაგნოსტიკაში", დაიცვა 1990 წელს; სადოქტორო დისერტაციის თემა - "ტრანსკუტანური ტრანსჰეპატური ენდობილიარული ჩარევების როლი და ადგილი მექანიკური სიყვითლით გართულებული ჰეპატოპანკრეატოდუოდენური ზონის ავთვისებიანი სიმსივნეების დროს", დაიცვა 2003 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.269; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.370; tsmu.edu

• საქართველოს რადიოლოგთა ასოციაცია, წევრი

• სამედიცინო რადიოლოგია : უმაღლესი სამედიცინო სასწავლებლების სტუდენტებისთვის (თანაავტორი) // ნაწ. 1, სხივური დიაგნოსტიკის და სხივური თერაპიის მეთოდები, პრინციპები . - თბილისი, თბილისის სახელმწ. სამედ. უნ-ტი, 2016. - 208გვ. . - ISBN: 9789941093579