ანგელინა ფერაძე

დაბადების ადგილი: ქ. ფოთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1941 წელს.

1951 წელს კლინიკური ორდინატურის კურსი გაიარა მოსკოვში, 1951-1954წწ. კი ასპირანტურა მოსკოვის II სამედიცინო ინსტიტუტში; 1941-1945წწ. მუშაობდა ამიერკავკასიის, ლიტვის რკინიგზის სამედიცინო დაწესებულებებში; 1946-1957წწ. მოსკოვის ექიმთა დახელოვნების ცენტრალურ ინსტიტუტსა და მოსკოვის II სახელმწიფო სამედიცინო ინსტიტუტის ბაზებში ორდინატორად, ასისტენტად; 1958 წლიდან იყო თბილისის ექიმთა დახელოვნების ინსტიტუტის დოცენტი; 1967-1970წწ. №1 სამშობიარო სახლის მთავარი ექიმი. ავტორია 30-ზე მეტი სამეცნიერო ნაშრომის და 2 გამოგონების. კათედრის თანამშრომლებთან ერთად ხელმძღვანელობდა კლინიკური ორდინატორებისა და მეან-გინეკოლოგთა პრაქტიკულ მომზადებას. მეან-გინეკოლოგი, მედიცინის მეცნიერებათა დოქტორი. დიპლომის შემდგომი განათლების სამედიცინო აკადემიის დოცენტი.

საკანდიდატო დისერტაციის თემა - "ნაყოფის წონის დადგენა", დაიცვა 1954 წელს.

სადოქტორო დისერტაციის თემა - "ნეფროპათიის კომპლექსური მკურნალობა GOMK და მანიტოლით", დაიცვა 1975 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.274

• საქართველოს ჯანმრთელობის დაცვის სამინისტროს დედათა სიკვდილიანობის კომიტეტი, წევრი (1980-1982)