ვახტანგ ქავთარაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1940 წელს.

1943–1945წწ. იყო სამედიცინო ინსტიტუტის შინაგან სნეულებათა პროპედევტიკის კათედრის ასისტენტი; 1946–1947წწ. მოსკოვის დახელოვნების ინსტიტუტის თერაპიის კათედრის ორდინატორი; 1947–1958წწ. თბილისის ექიმთა დახელოვნების ინსტიტუტის თერაპიის კათედრის ასისტენტი; 1958–1964წწ. დოცენტი; 1964 წელს პროფესორი; 1968–1969წწ. კარდიოლოგიის ინსტიტუტის დირექტორი. ქართულ, რუსულ და უცხოურ პრესაში გამოქვეყნებული აქვს 134 ნაშრომი, მისი ხელმძღვანელობით დაცულია 3 სადოქტორო და 7 საკანდიდატო დისერტაცია. მონაწილეა კარდიოლოგთა საკავშირო, ევროპის და მსოფლიო კონგრესების. კარდიოლოგი, მედიცინის მეცნიერებათა დოქტორი.

საკანდიდატო დისერტაციის თემა - "გულ–სისხლძარღვთა სისტემის ფუნქციური მდგომარეობა მალარიის დროს", დაიცვა 1953 წელს; სადოქტორო დისერტაციის თემა - "მასალები ვენური წნევის რეგულაციის შესახებ (კლინიკურ–ექსპერიმენტული გამოკვლევა)", დაიცვა 1961.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.280; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.203

• კარდიოლოგთა საკავშირო საზოგადოების პრეზიდიუმი, წევრი
• საქართველოს თერაპევტთა საზოგადოება, თავმჯდომარის მოადგილე
• საქართველოს კარდიოლოგთა საზოგადოება, თავმჯდომარე
• საქართველოს სამედიცინო პროფილის ს/კ ინსტიტუტების დირექტორთა საბჭო, თავმჯდომარე

• 1998 - ღირსების ორდენი
  მოსახლეობის ჯანმრთელობის დაცვის საქმეში შეტანილი პირადი დიდი წვლილისა და სისტემის რეორიენტაციის პროცესში აქტიური მონაწილეობისათვის
• 1985 - სამამულო ომის ორდენი
• 1981 - საქართველოს სახელმწიფო პრემია
• 1979 - საქართველოს მეცნიერებათა დამსახურებული მოღვაწე
• 1971 - საპატიო ნიშნის ორდენი
• 1971 - შრომის წითელი დროშის ორდენი