ნატო ქათამაძე

დაბადების ადგილი: ქ. ტყიბული.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1993 წელს.

1993-1995წწ. იყო  თბილისის სახელმწიფო სამედიცინო უნივერსიტეტის სუბორდინატორთა ჰოსპიტალური თერაპიის №1 კათედრის კლინიკური ორდინატორი; 1995 წლიდან - ამავე კათედრის (სამკურნალო ფაკულტეტის  შინაგან სნეულებათა №1 კათედრის) უფროსი ლაბორანტი. ავტორია სამეცნიერო ნაშრომებისა, რომლებიც ეხება გულის ქრონიკული რეფრაქტერული უკმარისობის ბიოქიმიურ საფუძვლებს. ექიმი-თერაპევტი, მედიცინის მეცნიერებათა დოქტორი (2006).

საკანდიდატო დისერტაციის თემა - "პროსტაგლანდინები და ციკლური ნუკლეოტიდები რეფრაქტერულად მიმდინარე გულის ქრონიკული უკმარისობის დროს", დაიცვა 1997 წელს; სადოქტორო დისერტაციის თემა - გულის ქრონიკული უკმარისობის მოდელირების სტრუქტურულ-ფუნქციური საფუძვლები კარდიომიოპათიების დროს", დაიცვა 2006 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.281; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.372

• დილატაციური კარდიომიოპათია : რეკომენდაციები სტუდენტებისა და პრაქტიკოსი ექიმებისათვის (ავტორი). - თბილისი, თბილ. სახელმწ. სამედ. უნ–ტის შინაგანი მედიცინის N 3 კათედრა , 2005. - 23გვ.