დალი ქანთარია

დაბადების ადგილი: სოფ. შუხუთი, ლანჩხუთის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1978 წელს.

1979-1981 წლებში იყო აკადემიკოს მ. წინამძღვრიშვილის სახელობის კლინიკური და ექსპერიმენტული სამეცნიერო-კვლევითი ინსტიტუტის კლინიკური ორდინატორი, 1982-1983 წლებში ამავე ინსტიტუტის ფუნქციური დიაგნოსტიკის კაბინეტის ექიმი-კარდიოლოგი, 19834-1986 წლებში რითმის დარღვევის განყოფილების უფროსი ლაბორანტი, 1986-1993 წლებში არტერიული ჰიპერტონიის განყოფილების უმცროსი მეცნიერ-თანამშრომელი, 1993 წლიდან ამავე განყოფილების უფროსი მეცნიერ-თანამშრომელი. ავტორია 14 სამეცნიერო ნასრომისა, მათ შორის ერთი გამოგონების-"თირკმლის მაგისტრალური ციკლის ნაკადის განსაზღვრის ახალი არაინვაზიური მეთოდით"(ავტორთა ჯგუფთან ერთად; დ. ტვილდიანი, თ. ვანიძე). კარდიოლოგი. მედიცინის მეცნიერებათა კანდიდატი. კარდიოლოგიის სამეცნიერო-კვლევითი ინსტიტუტის მეცნიერ-თანამშრომელი.

საკანდიდატო დისერტაციის თემა-"სისტემური და თირკმლის ჰემოდინამიკის მაჩვენებლების ურთიერთდამოკიდებულება ჯანმრთელ პირებში და ჰიპერტონული დაავადების დროს მოსვენებულ მდგომარეობაში, ფუნქციური დატვირთვებისა და კურსობრივი მკურნალობის პირობებში", დაიცვა 1997 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.282; gurianews.com

• საქართველოს კარდიოლოგთა კავშირი, წევრი
• საქართველოს თერაპიული საზოგადოება, წევრი

• 1989 - საქართველოს კომკავშირის პრემია (ერთობლივი გამარჯვება)