ავრორა ქემოკლიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სან-ჰიგიენის ფაკულტეტი 1959 წელს.

1959-1962წწ. იყო დუშეთის რაიონული საავადმყოფოს ექიმი; 1962-1978წწ. ექსპერიმენტული და კლინიკური ქირურგიის ინსტიტუტის უმცროსი მეცნიერ-თანამშრომელი, ამავე ინსტიტუტის ანესთეზიოლოგია-რეანიმაციის განყოფილების უფროსი მეცნიერ-თანამშრომელი. ავტორია 49 სამეცნიერო ნაშრომისა და მეთოდური რეკომენდაციისა სისხლის შედედების სისტემის ცვლილებების პროფილაქტიკისა და მკურნალობის შესახებ. გამოქვეყნებული აქვს მონოგრაფია: "თრომბოჰემორაგიული სინდრომი(ეტიოლოგია, პათიგენეზი, დიაგნოსტიკა, კლინიკა, პროფილაქტიკა, მკურნალობა)"(1989). მიღებული აქვს სიგელები, ფულადი პრემიები, მადლობა პირად საქმეში შეტანით. კოაგულოლოგი, მედიცინის მეცნიერებათა კანდიდატი. 

საკანდიდატო დისერტაციის თემა - "ჰემოკოაგულაციური პროცესის მდგომარეობა და სისხლძარღვთა ქსოვილის კედლის ექსტრაქტის კოაგულაციური აქტივობა შაქრიანი დიაბეტის დროს", დაიცვა 1975 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.285

• სამეცნიერო საზოგადოება "ცოდნა", წევრი