ნუგზარ ქუმარიტაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1972 წელს.

1972-1975წწ. იყო ბორჯომის რაიონული საავადმყოფოს ექიმი-ოტორინოლარინგოლოგი; 1979 წელს თბილისის სახელმწიფო სამედიცინო ინსტიტუტის დაუსწრებელი სწავლების ასპირანტი,1980-1983წწ. მივლინებული იყო ალჟირში, 1975 წლიდან არის რკინიგზის ნ. კახიანის სახელობის ცენტრალური კლინიკური საავადმყოფოს ყელ-ყურ-ცხვირის განყოფილების ექიმი-ოტორინოლარინგოლოგი. ავტორია 8 სამეცნიერო ნაშრომისა, რომლებიც ეხება ხორხის პაპილომისა და კიბოს ჰისტოლოგიურ, ელექტრონულ-მიკროსკოპიულ, ელექტრონულ-რადიო-ავტოგრაფულ  მორფომეტრიულ თავისებურებებს. ატარებდა ლექციებს და პრაქტიკულ მეცადინეობებს ოტორინოლარინგოლოგიაში. ოტორინოლარინგოლოგი, მედიცინის მეცნიერებათა კანდიდატი. რკინიგზის ნ. კახიანის სახელობის ცენტრალური კლინიკური საავადმყოფოს ყელ-ყურ-ცხვირის განყოფილების ექიმი, უმაღლესი კატეგორიის ექიმი.

საკანდიდატო დისერტაციის თემა - "ხორხის პაპილომისა და კიბოს მორფოგენეტიკური თავისებურებანი და მათი კლინიკური მნიშვნელობა", დაიცვა 1991 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.290

• საქართველოს ოტოლარინგოლოგთა საზოგადოება, წევრი