რევაზ გორგიძე

დაბადების ადგილი: ქ. ქუთაისი.

დაამთავრა ქ. ქუთაისის მუსიკალური სასწავლებელი 1950 წელს, ვანო სარაჯიშვილის სახელობის თბილისის სახელმწიფო კონსერვატორია 1960 წელს(ვოკალური).

1960 წლიდან იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი; მოგვიანებით დ. მჭედლიძის რჩევით, ბარიტონიდან ტენორზე გადავიდა; მალე შედგა მისი როგორც დრამატული ტენორის დებიუტი, რადამესი (ვერდი "აიდა"); ნელ–ნელა დაკარგა ხმა და 1973 წელს დატოვა საოპერო სცენა; მის რეპერტუარში იყო, ქართული: კუჭატნელი (ა. ბუკია "არსენა"), კიაზო (ზ. ფალიაშვილი "დაისი"), გოჩა (მ. ბალანჩივაძე "დარეჯან ცბიერი"), ტარიელი, არსაკიძე (შ. მშველიძე "ამბავი ტარიელისა", "დიდოსტატის მარჯვენა"); სხვა რეპერტუარი: კავარადოსი(პუჩინი "ტოსკა"), კანიო (ლეონკავალო "ჯამბაზები"), მანრიკო, ოტელო (ვერდი "ტრუბადური", "ოტელო"), ხოზე (ბიზე "კარმენი"), სემიონ კოტკო (პროკოფიევი "სემიონ კოტკო"). დრამატული ტენორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 120

• 1967 - საქართველოს დამსახურებული არტისტი