გიორგი გოცირიძე

დაბადების ადგილი: ქ. მოსკოვი.

დაამთავრა პეტრე ჩაიკოვსკის სახელობის მოსკოვის სახელმწიფო კონსერვატორია 1964 წელს.

1964–1967წწ. იყო ქ. ჟუკოვსკის(მოსკოვის ოლქი) თვითმოქმედი სიმფონიური ორკესტრის დირიჟორი და სამხატვრო ხელმძღვანელი; 1967–1969წწ. ქ. ალმა–ატას (ყაზახეთი) სახელმწიფო სიმფონიური ორკესტრის დირიჟორი, პარალელურად ალმა–ატას ხელოვნების ინსტიტუტის პედაგოგი(სიმფონიური დირიჟორობა); 1969–1970წწ. ქ. ქუთაისის ოპერის თეატრის დირიჟორი, 1970–1972წწ. ზ. ფალიაშვილის სახელობის თბილისის ოპერისა და ბალეტის თეატრისა და სახელმწიფო ფილარმონიის დირიჟორი; 1970–1971წწ. გაიარა სტაჟირება ავსტრიაში; 1971 წელს მ. როსტროპოვიჩმა თბილისში გამართა კონცერტების ციკლი, რომლებსაც დირიჟორობდა გიორგი გოცირიძე, ამ კონცერტებმა ვიოლონჩელოს კონცერტის ჟანრის თითქმის მთელი კლასიკური რეპერტუარი მოიცვა; 1973 წლიდან მუშაობდა ეგვიპტეში; მოღვაწეობდა ოდესაში სიმფონიური ორკესტრის დირიჟორად; ოდესასა და მოსკოვში გამართა ო. თაქთაქიშვილის, ს. ცინცაძის საავტორო კონცერტები, აქვე თანამშრომლობდა ქართველ მუსიკოსებთან: ე. ვირსალაძე, მ. ამირანაშვილი, ლ. ისაკაძე, ლ. თორაძე; მის რეპერტუარში იყო, ქართული: მ. ბალანჩივაძე "დარეჯან–ცბიერი", ზ. ფალიაშვილი "აბესალომ და ეთერი", "დაისი", ო. თაქთაქიშვილი "მინდია", ა. ცინცაძე ორატორია "უკვდავება", ჯ. ადამაშვილი საყვირის კონცერტი; სხვა რეპერტუარი: მოცარტი "ჯადოსნური ფლეიტა", პუჩინი "ბოჰემა", როსინი "სევილიელი დალაქი", ლეონკავალო "ჯამბაზები", ჩაიკოვსკი "ევგენი ონეგინი"; სიმფონიები: ჰაიდნი, მოცარტი, ბეთჰოვენი, ბრამსი, შუმანი, შუბერტი, ლისტი, ფრანკი, მალერი, სიბელიუსი, ჩაიკოვსკი, ბოროდინი, სკრიაბინი, შოსტაკოვიჩი (ყველა სიმფონია).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 123