ვახტანგ გუნაშვილი

დაბადების ადგილი: ქ. თბილისი.

დაამთავრა ზაქარია ფალიაშვილის სახელობის თბილისის ოპერისა და ბალეტის თეატრის საბალეტო სტუდია 1949 წელს.

1937-1940წწ. სწავლობდა ქართულ ცეკვებს(მ. რაქვიაშვილის სტუდია); 1945-1946წწ. იყო საქართველოს ფილარმონიასთან არსებული ანსამბლის მოცეკვავე(ხელმძღვანელი ჯ. ბაგრატიონი); 1945-1959წწ. საქართველოს სიმღერისა და ცეკვის სახელმწიფო ანსამბლის სოლისტი, ხოლო 1959 წლიდან სიცოცხლის ბოლომდე თბილისის ოპერისა და ბალეტის თეატრის სოლისტი; ქართული რეპერტუარი: 20-ზე მეტი საბალეტო პარტია, მათ შორის: ჯარჯი (ა. ბალანჩივაძე "მთების გული"), დერვიში, რევაზი (გრ. კილაძე "სინათლე"), მამია (დ. თორაძე "გორდა"), დემონი (ს. ცინცაძე "დემონი"), იაგო (ა. მაჭავარიანი "ოტელო"), ბერიკა, მხატვარი (ბ. კვერნაძე "ბერიკაობა", "მხატვრის სახელოსნოში"), კლავდიუსი(რ. გაბიჩვაძე "ჰამლეტი"), ვაჟი(ბახი "პასაკალია"); სხვა რეპერტუარი: ბაზილი (მინკუსი "დონ კიხოტი"), უფლისწული (ჩაიკოვსკი "მაკნატუნა"), ვაცლავი (ასაფიევი "ბახჩისარაის შადრევანი"), დონ ჟუანი (რ. შტრაუსი "დონ ჟუანი"); ცეკვები საოპერო სპექტაკლებში: ყველა ქართულ ოპერაში ასრულებდა ცეკვას "ქართული", ამ ცეკვით განსაკუთრებით გაითქვა სახელი, მისი პარტნიორი იყო იამზე დოლაბერიძე; ცეკვების დადგმები საოპერო სპექტაკლებში: ზ. ფალიაშვილი "დაისი", ო. თაქთაქიშვილი "მინდია" (1973-1974წწ. ქ. ზაარბრიუკენი, გერმანია); 1939 წელს მიღებული აქვს საქართველოს რესპუბლიკური ოლიმპიადის I პრემია "ქართულის" და "ინგუშურის" შესრულებისთვის. გასტროლები ჰქონდა მსოფლიოს მრავალ ქვეყანაში, მათ შორის: აშშ, კანადა, ალჟირი, მაროკო, ტუნისი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 129; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.101

• 1999 - ღირსების ორდენი
• 1997 - ღირსების ორდენი
• 1986 - საპატიო ნიშნის ორდენი
• 1974 - საქართველოს სახალხო არტისტი
• 1961 - საქართველოს დამსახურებული არტისტი