რევაზ ჩხეტია

დაბადების ადგილი: ქ. სენაკი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1949-1952წწ. მუშაობდა თბილისის სახელმწიფო სამედიცინო ინსტიტუტის შინაგან სნეულებათა პროპედევტიკის კათედრაზე; 1952-1956წწ. იყო სანატორიუმ "ბორჯომ-ლიკანის" მთავარი ექიმის მოადგილე; 1956-1958წწ. კურორტ ბორჯომის ტერიტორიული საკურორტო სამმართველოს მთავარი ექიმი; 1959 წლიდან მუშაობდა თბილისის ექიმთა დახელოვნების ინსტიტუტში. ავტორია 50 სამეცნიერო ნაშრომისა კუჭის პათოლოგიის სხვადასხვა დაავადებების დროს მისი ულტრასტრუქტურის და ბუნებრივი სამკურნალო ფაქტორების გავლენის შესახებ. გამოქვეყნებული აქვს მონოგრაფია: "გამოჩენილი ქართველი კურორტოლოგები"("საბჭოთა საქართველო", 1981). მისი ხელმძღვანელობით დაცულია 3 საკანდიდატო დისერტაცია. თერაპევტ-კურორტოლოგი, მედიცინის მეცნიერებათა კანდიდატი. ექიმთა დიპლომის შემდგომი განათლების სახელმწიფო სამედიცინო აკადემიის ფიზიოთერაპიის და კურორტოლოგიის კათედრის გამგე.

საკანდიდატო დისერტაციის თემა - "ბორჯომის წყლის მოქმედება კუჭის სეკრეციულ და მოტორულ-ევაკუაციურ ფუნქციებზე", დაიცვა 1959 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.333

• საქართველოს კურორტოლოგთა და ფიზიოთრეაპევტთა სამეცნიერო საზოგადოება, პრეზიდიუმის წევრი

• 1986 - უმაღლესი სკოლის დამსახურებული მუშაკი
• 1975 - მედალი "ჯანმრთელობის დაცვის ფრიადოსანი"
• 1970 - მედალი "შრომითი მამაცობისთვის"

• გამოჩენილი ქართველი კურორტოლოგები (თანაავტორი). - თბილისი, საბჭ.საქართველო, 1981. - 200გვ.