სორთმან ჯაფარიძე

დაბადების ადგილი: ქ. თელავი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1963 წელს.

1964–1967წწ. იყო სანატორიუმ "ლიკანის" ქირურგი; 1967–1974წწ. რესპუბლიკის ცენტრალური კლინიკური საავადმყოფოს "ხელოვნური თირკმლის" განყოფილების გამგე; 1974–1980წწ. თბილისის სახელმწიფო სამედიცინო ინსტიტუტის უროლოგიის კათედრის უფროსი ლაბორანტი; 1980–1990წწ. კათედრის ასისტენტი; 1990 წლიდან კათედრის დოცენტი. ავტორია 45 სამეცნიერო ნაშრომის, ეკუთვნის 2 გამოგონება. მისი ხელმძღვანელობით დაცულია 4 საკანდიდატო დისერტაცია. უროლოგი, მედიცინის მეცნიერებათა დოქტორი.

საკანდიდატო დისერტაციის თემა - "თირკმლების ცვლილებების და მათი შექცევადობის ხარისხის გამოკვლევა და ობიექტური შეფასების მეთოდის შემუშავება მექანიკური ანურიის დროს", დაიცვა 1986 წელს; სადოქტორო დისერტაციის თემა - "თირკმელებში განვითარებული დარღვევები სეფსისის დროს და მათი კლინიკური მნიშვნელობა", დაიცვა 1998 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ. 374; ჟურნალი "თბილისელები": tbiliselebi.ge; სვანეთი და სვანები / ირაკლი დვალი, გივი ქურდიანი.-თბ., 2014.-გვ.509 

• ევროპის უროლოგთა ასოციაცია, წევრი
• თბილისის უროლოგთა სამეცნიერო საზოგადოება, წევრი
• თსსუ პროფკავშირული კომიტეტი, თავმჯდომარე
• საქართველოს მედიკო–სოციალურ მეცნიერებათა აკადემია, ნამდვილი წევრი