გიორგი გოგია

დაბადების ადგილი: ქ. სოხუმი.

დაამთავრა თბილისის სახელმწიფო უნივერსიტეტის საერთაშორისო სამართლისა და ურთიერთობების ფაკულტეტი და ცენტრალური ევროპის უნივერსიტეტის(ბუდაპეშტი, უნგრეთი) პოლიტიკურ მეცნიერებათა მაგისტრატურა.

2006 წლამდე მუშაობდა უფროს ანალიტიკოსად კრიზისების მოგვარების საერთაშორისო ჯგუფში(ICG); იკვლევდა და ამზადებდა ანგარიშებს აფხაზეთზე, სამხრეთ ოსეთისა და მთიანი ყარაბახის კონფლიქტებზე. ავტორია არაერთი ანგარიშისა სისხლის სამართლისა და მართლმსაჯულების რეფორმაზე; პოლიციის მიერ გადამეტებული ძალის გამოყენებაზე; სიტყვისა და გამოხატვის თავისუფლებაზე; საკუთრების უფლების დარღვევებზე. არის საქართველო-რუსეთის 2008 წლის ომის შესახებ "ჰიუმან რაიტს უოჩის" მიერ მომზადებული ანგარიშის თანაავტორი. მუშაობს ამ საერთაშორისო არასამთავრობო ორგანიზაციის უფროს მკვლევრად სამხრეთ კავკასიაში. უფლებადამცველი.

წყარო: თავისუფლების დღიურები, 2012 : რადიო "თავისუფლების" პროექტი. - თბ.,.- 2013.-გვ.237

• ქართულ-ოსური კონფლიქტის მიზეზების, დინამიკის, გადაწყვეტის გზების ძიებისა და სავარაუდო მიმართულებების შესახებ (თანაავტორი). - თბილისი, 2005. - 85გვ.