ელისე (მიტროპოლიტი)

დაბადების ადგილი: სოფელი შქმერი, ონის რაიონი.

დაამთავრა საქართველოს პოლიტექნიკური ინსტიტუტი 1976 წელს; სწავლობდა მცხეთის სასულიერო სემინარიაში 1983 წლიდან.

1982 წლიდან იყო ქაშვეთის წმინდა გიორგის ეკლესიის მნათე; 1983 წლის 19 ივნისს თბილისის სიონის საკათედრო ტაძარში სრულიად საქართველოს კათოლიკოს-პატრიარქის, ილია II-ის მიერ ხელდასმულ იქნა დიაკვნად; იმავე წლის სექტემბერში - მღვდლად და დაინიშნა წალკის ყოვლადწმინდა ღვთისმშობლის ეკლესიის მღვდელმსახურად; 1996 წლის 14 მარტს იგი წმინდა სინოდის მიერ გამორჩეული იქნა ნიკორწმინდელ ეპისკოპოსად და ებოძა არქიმანდრიტის ხარისხი; ამავე წლის 17 მარტს ეკურთხა ეპისკოპოსად; 2000 წლის 28 ნოემბერს ებოძა მთავარეპისკოპოსის, ხოლო 2008 წლის 16 თებერვალს მიტროპოლიტის ხარისხი; პერიოდულად ღვთისმსახურებას აღავლენდა გორის ყოვლადწმინდა ღვთისმშობლის, სვეტიცხოვლის, ანანურის ღვთისმშობლის, დიდუბის ღვთისმშობლის, თბილისის წმინდა პანტელეიმონის, ანჩისხატის და მეტეხის ეკლესიებში; თბილისის ეკლესიებში მსახურობის დროს იგი ასრულებდა საქართველოს საპატრიარქოს სახლთუხუცესის მოვალეობას და ხელმძღვანელობდა ახალი ეკლესიების გახსნის განყოფილებას; იყო საქართველოს საპატრიარქოს საეკლესიო სიწმინდეთა მოძიების და დაცვის განყოფილების თავმჯდომარე.

წყარო: საქართველო: ენციკლოპედია: ტ.2. - თბ., 2012. - გვ.649