ალექსი ბარნოვი

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი.

მუშაობდა ახმეტის რაიონში, საგარეჯოში, გორში, რესპუბლიკურ სანეპიდსადგურში ექიმ–ეპიდემიოლოგად; მისი ბოლო სამუშაო ადგილი იყო თბილისის სასწრაფო სამედიცინო დახმარების ცენტრი; ა. ბარნოვი იკვლევდა ძველი თბილისის ისტორიას; იგი პოეტ იეთიმ გურჯის ახლო მეგობარი იყო; 1960 წელს მისი ინიციატივით და მწერალთა კავშირის დახმარებით პოეტის საფლავზე დაიდგა ძეგლი, 1968 წელს პოეტის ნეშთი ვაკის სასაფლაოდან დიდუბის პანთეონში გადაასვენეს; ა. ბარნოვმა შეადგინა იეთიმ გურჯის ლექსთა კრებული, რომელიც გამოიცა ი. გრიშაშვილის, მეორედ ი. აბაშიძის რედაქციით; მას ახლო მეგობრობა აკავშირებდა იოსებ გრიშაშვილთანაც, იყო გიორგი შენგელაიას 1969 წლის ფილმ "ფიროსმანის" კონსულტანტი; ამავე ფილმში ასრულებს ეპიზოდურ როლს. ავტორია წიგნებისა: "ჭიდაობა ძველ თბილისში", "ძველი თბილისის მუსიკოსები". არის ძველი თბილისის ყოფის მკვლევარი, ექიმ–ეპიდემიოლოგი.

წყარო: თბილისი – ენციკლოპედია. – თბ., 2002 – გვ.331

• ძველი თბილისის მუსიკოსები (ავტორი). - თბილისი, ხელოვნება, 1974. - 74გვ.
• ჭიდაობა ძველ თბილისში (ავტორი). - თბილისი, საბჭ. საქართველო, 1967. - 111გვ.
• პირადი და საზოგადოებრივი ჰიგიენის მნიშვნელობა გადამდებ დაავადებათა თავიდან აცილების საქმეში (ავტორი). - თბილისი, საბჭ. საქართველო, 1959. - 44გვ.