ნოდარ ჭითანავა

დაბადების ადგილი: სოფელი ჭკადუაში, ზუგდიდის რაიონი.

დაამთავრა საქართველოს პოლიტექნიკური ინსტიტუტი სამრეწველო და სამოქალაქო მშენებლობის სპეციალობით 1963 წელს; საბჭოთა კავშირის კომუნისტური პარტიის ცენტრალურ კომიტეტთან არსებული უმაღლესი პარტიული სკოლა ფილოსოფიისა და პოლიტიკური ეკონომიის (დარგობრივი ეკონომიკის) განხრით 1968 წელს; სხვადასხვა დროს იყო ზუგდიდის რაიონის სოფელ ჭკადუაშის კოლმეურნეობის წევრი, ცეკავშირის N5 სამშენებლო სამმართველოს ზუგდიდის უბნის ბრიგადირი, საქართველოს ალკკ ზუგდიდის რაიონული კომიტეტის ინსტრუქტორი, მეორე, პირველი მდივანი, საქართველოს კპ ზუგდიდის რაიკომის მდივანი, ზუგდიდის სამრეწველო ზონის პარტიული კომიტეტის მდივნის მოადგილე, საქართველოს კპ ცენტრალური კომიტეტის პოლიტ განათლების სახლის კონსულტანტი, საქართველოს კპ პარტიის ცენტრალური კომიტეტის ინსტრუქტორი; 1970-1990წწ. საქართველოს კპ სენაკის რაიკომის პირველი მდივანი, საქართველოს კპ აჭარის საოლქო კომიტეტის მეორე მდივანი, საქართველოს სოფლის მეურნეობის მინისტრი, რესპუბლიკის მინისტრთა საბჭოს თავმჯდომარის პირველი მოადგილე, საქართველოს კპ ცენტრალური კომიტეტის მდივანი (სოფლის მეურნეობის დარგში), რესპუბლიკის მინისტრთა საბჭოს თავმჯდომარე; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: საქართველოს კომუნისტური პარტია, საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1990-1991წწ. საქართველოს რესპუბლიკის სოფლის მეურნეობის, კვების მრეწველობის და სატყეო მეურნეობის მინისტრი; 1993-2004წწ. სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტის დირექტორი; 2004 წლიდან იმყოფება პედაგოგიურ სამუშაოზე; 2013-2022წწ. საქართველოს ტექნიკური უნივერსიტეტის საწარმოო ძალებისა და ბუნებრივი რესურსების სამეცნიერი-კვლევითი ცენტრის უფროსი, მთავარი მეცნიერ-თანამშრომელი. სამეცნიერო-კვლევის სფერო: 1. გლობალიზაცია და საქართველოში გარდამავალი პერიოდის სოციალურ-ეკონომიკური პრობლემები; 2. სახელმწიფოსა და ეკონომიკის ურთიერთდამოკიდებულების თანამედროვე პრობლემები; 3. საქართველოში სოფლისა და სოფლის მეურნეობის განვითარების პრობლემები. ეკონომიკის მეცნიერებათა დოქტორი, 150 -მდე სამეცნიერონაშრომის ავტორი, მათ შორის 15 მონოგრაფია. მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.438; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.396

• ნიუ–იორკის ეკონომიკის მეცნიერებათა აკადემია, წევრი (1997-)
• საქართველოს ბიზნესის მეცნიერებათა აკადემია, წევრი (1998-)
• საქართველოს ეკონომიკის მეცნიერებათა აკადემია, წევრი (1996-)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს სოფლის მეურნეობის მეცნიერებათა აკადემია, წევრი (1995-)
• საქართველოს ტექნიკური უნივერსიტეტის აკადემიური საბჭო, წევრი (2019-)

• 1975 - შრომის წითელი დროშის ორდენი
• 1973 - შრომის წითელი დროშის ორდენი

• გლობალური გამოწვევები ერთპოლუსიან მსოფლიოში : საქართველოს ეკონომიკის ტრანსფორმაციის ხილული და უხილავი პრობლემები (ავტორი). - თბილისი, ივერიონი, 2021. - 36გვ.. - ISBN: 9789941835667
• საქართველოს ეკონომიკის გამოწვევები და სტრატეგია : მონოგრაფია (ავტორი). - თბილისი, ივერიონი : ზაურ ნაჭყებია, 2018. - 376გვ.. - ISBN: 9789941278600
• საქართველოს სოფლის მეურნეობა : ტრანსფორმაცია, პრობლემები, პერსპექტივები (ავტორი). - თბილისი, ივერიონი, 2015. - 160გვ.. - ISBN: 9789941079696
• საქართველოს ეკონომიკის მეტამორფოზები და პერსპექტივები (ავტორი). - თბილისი, ივერონი, 2012. - 216გვ.. - ISBN: 9789941925733
• სოციალური ეკონომიკა : ფორმირება და განვითარება (თანაავტორი) // ნაწ. 1. - თბილისი, ინოვაცია, 2008. - 596გვ.. - ISBN: 978-9941-9029-3-2
• სოციალური ეკონომიკა : ფორმირება და განვითარება (თანაავტორი) // ნაწ.1. - თბილისი, ინოვაცია, 2008. - 596გვ.
• გარდამავალი პერიოდის სოციალურ-ეკონომიკური პრობლემები (ავტორი) // ნაწ. 3 ეკონომიკური გლობალიზაცია და ეროვნულ-ეკონომიკური უსაფრთხოება. - თბილისი, 2001. - 423გვ.
• გარდამავალი პერიოდის სოციალურ-ეკონომიკური პრობლემები : მონოგრაფია (ავტორი). - თბილისი, 1997. - 346გვ.
• შერეული, მრავალწყობიანი სოციალურად ორიენტირებული ეკონომიკა (ავტორი). - თბილისი, 1996. - 37გვ.
• საბაზრო ეკონომიკის რეგულირება : ორგანიზაციული პრობლემები (ავტორი) // ნაწ. 1. - თბილისი, 1995. - 190გვ.
• საბაზრო ეკონომიკის ფორმირების ორგანიზაციული პრობლემები (ავტორი). - თბილისი, 1993. - 187გვ.
• საბაზრო ეკონომიკა და აგროსამრეწველო კომპლექსის განვითარების პრობლემები (ავტორი). - თბილისი, საქართველო, 1993. - 228გვ.
• Проблемы совершенствования управления АПК Грузинской ССР (ავტორი). - Тбилиси, Сабчота Сакартвело, 1984. - 362с.
• სასოფლო სამეურნეო წარმოების ორგანიზაციისა და მართვის სრულყოფის საკითხები : თავისებურებანი, პრაქტიკა, პერსპექტივები (ავტორი). - თბილისი, საბჭ. საქართველო, 1980. - 191გვ.
• ეკონომიური რეფორმა და ტექნიკური პროგრესი მშენებლობაში (ავტორი). - თბილისი, საბჭ. საქართველო, 1972. - 131გვ.