სარგის ცაიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1952 წელს.

1966 წლიდან შოთა რუსთაველის სახელობის ქართული ლიტერატურის ინსტიტუტის განყოფილების ხელმძღვანელი; 1984 წლიდან ამავე ინსტიტუტის დირექტორის მოადგილე სამეცნიერო დარგში; 1964 წლიდან ვეფხისტყაოსნის აკადემიური ტექსტის დამდგენი კომისიის თავმჯდომარის მოადგილე; 1986 წლიდან საქართველოს ტექნიკურ უნივერსიტეტში ქართული ენისა და ლიტერატურის კათედრის გემგე. მისი კვლევის ობიექტი იყო ქართული მწერლობა, რუსთველოლოგია, მნიშვნელოვანი გამოკვლევები მიუძღვნა ქართულ ჰაგიოგრაფიასა და ჰიმნოგრაფიას. აღსანიშნავია მისი ფუნდამენტური გამოკვლევები ვეფხისტყაოსნის ტექსტის ისტორიაზე, მონოგრაფიები შოთა რუსთაველზე, დავით გურამიშვილსა და ბესიკზე. ავტორია წერილებისა და ესეისტური ნარკვევებისა თანამედროვე ქართულ მწერლებზე. ფილოლოგიის მეცნიერებათა დოქტორი(1968), პროფესორი. აქტიურად მონაწილეობდა რესპუბლიკის სპორტულ ცხოვრებაში.

წყარო: ქართული საბჭოთა ენციკლოპედია, ტ. 11, თბ., 1987, გვ. 184.

• საქართველოს მეცნიერებათა აკადემია, წევრ-კორესპონდენტი (1983-)
• საქართველოს სსრ მთასვლელთა ფედერაცია, თავმჯდომარე (1983-)

• 1989 - კორნელი კეკელიძის სახელობის პრემია
• 1977 - საქართველოს მწერალთა კავშირის პრემია
• 1955 - სსრკ სპორტის ოსტატი

• ქართული მწერლობა : წერილები, ნარკვევები, ესეები (ავტორი). - თბილისი, მერანი, 1990. - 511გვ.
• დავით გურამიშვილი : ნარკვევი (ავტორი). - თბილისი, საბჭ. საქართველო, 1986. - 110გვ.
• წინამორბედნი და თანამედროვენი : წერილები და გამოკვლევები (ავტორი). - თბილისი, მეცნიერება, 1986. - 447გვ.
• ლიტერატურული წერილები : წინამორბედნი და თანამედროვეები (ავტორი). - თბილისი, მერანი, 1977. - 290გვ.
• ვეფხისტყაოსნის ტექსტის ისტორია (ავტორი) // ტ. 2: ვეფხისტყაოსნის ხელნაწერები.. - თბილისი, მეცნიერება, 1970. - 210გვ.
• ვეფხისტყაოსნის ტექსტის ისტორია (ავტორი) // ტ. 1: ვეფხისტყაოსნის რედაქციები. - თბილისი, მეცნიერება, 1970. - 349გვ.