ბართლომე კუხიანიძე

დაბადების ადგილი: სოფელი ქვემო მესხეთი, ქუთაისის რაიონი.

დაამთავრა სასულიერო სასწავლებელი 1889 წელს.

სასულიერო სასწვლებლის დამთავრების შემდეგ მუშაობდა საკათედრო ტაძრის ლოტბარად; 1926 წელს ჩამოაყალიბა პირველი ოთხხმიანი გუნდი რკინიგზის დეპოს მუშა–მოსამსახურეთაგან, ამავე წელს მშენებელთა პროფკავშირის გუნდი; 1927 წელს ორივე გუნდი წარმატებით გამოდიოდა ქ. ქუთაისში ჩატარებულ საქართველოს ოლიმპიადაზე, 1929 წელს კი სრულიად საქართველოს მომღერალთა ოლიმპიადაზე თბილისში; 1934 წელ დააარსა აკადემიური გუნდი, რომელსაც ხელმძღვანელობდნენ ბ. და მ. კუხიანიძეები; 1936 წელს გუნდი სახელმწიფო ეთნოგრაფიულ გუნდად გადაკეთდა, სადაც მოღვაწეობდა მხოლოდ ბ. კუხიანიძე; გუნდმა უდიდესი წარმატება მოიპოვა საკავშირო დათვალიერებაზე(1945, მოსკოვი); ქუთაისის სობოროს საკათედრო ტაძრის პროტოდიაკონის, მოწამისა და წმინდანის ბესარიონ კუხიანიძის ძმა; ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 274