მალაქია ტოროშელიძე

დაბადების ადგილი: სოფელი სხვავა, ამბროლაურის რაიონი. 

დაამთავრა ჟენევის უნივერსიტეტის იურიდიული ფაკულტეტი 1910 წელს.

უნივერსიტეტის დამთავრების შემდეგ დაბრუნდა თბილისში და ჩაება რევოლუციურ მოღვაწეობაში. იყო ბოლშევიკური გაზეთების - "ბრძოლისა" და "კავკაზსკი რაბოჩის" სარედაქციო კოლეგიის წევრი; 1921-1922წწ. საქართველოს სახალხო მეურნეობის უმაღლესი საბჭოს თავმჯდომარე; 1922-1924წწ. ცეკავაშირის გამგეობის თავმჯდომარე; 1928-1930წწ. თბილისის სახელმწიფო უნივერსიტეტის მეოთხე რექტორი; 1931-1936წწ. საქართველოს სსრ საგეგმო კომიტეტის თავმჯდომარე და სახალხო კომისართა საბჭოს თავმჯდომარის მოადგილე. იმავდროულად, 1934-1935წწ. მარქს-ენგელს-ლენინის ინსტიტუტის თბილისის ფილიალის დირექტორი და მწერალთა კავშირის თავმჯდომარე; 1936-1937წწ. განათლების სახალხო კომისარი. დახვრიტეს 1937 წელს. პარტიული და საბჭოთა საზოგადო მოღვაწე. 

წყარო: ივანე ჯავახიშვილის სახელობის თბილისის სახელმწიფო უნივერსიტეტის საიტი: tsu.ge

• ქართული ლიტერატურა : მოხსენება საბჭოთა მწერლობის 1-ლ საკავშირო ყრილობაზე 1934 წლის 20 აგვისტოს (ავტორი). - თბილისი, სახელგამი, 1934. - 92გვ.
• კარლ მარქსი : გარდაცვალების 50 წლის თავისათვის (ავტორი) // მოხსენება 1933 წლის 11 მარტს ტფილისში გამართულ კ. მარქსის ხსოვნის საღამოზე. - ტფილისი, საქართველოს ცეკასთან არსებული მარქსიზმ-ლენინიზმის ინსტიტუტი, 1933. - 50გვ.
• კოოპერატიულ ფრონტზე : წერილების კრებული (ავტორი). - ტფილისი, ცეკავშირის გა-ბა , 1928. - 312გვ.
• ილია ჭავჭავაძის შემოქმედება და მისი ნაწერების საერთო ხასიათი (ავტორი). - სამტრედია , ვ. ხარებავას და ამხ. წიგნის მაღაზიის გამოცემა, 1914. - 42გვ.