მიხეილ კაკაბაძე

დაამთავრა თბილისის სახელმწიფო უნივერსიტეტი 1953 წელს.

1945 წლიდან მუშაობდა პრესაში; იყო გაზეთ "მოლოდოი სტალინელის" განყოფილების გამგე, "ზარია ვოსტოკას" რედაქტორის მოადგილე; 1949–1952 და 1964–1976წწ. – გაზეთ "ლელოს" მთავარი რედაქტორი; მისი ინიციატივით გაზეთს შეეცვალა ძველი სახელწოდება "ფიზკულტურელი" და დაერქვა "ლელო"; 1953–1955წწ. იყო გაზეთ "ახალგაზრდა კომუნისტის" რედაქტორი, რომელიც ამ პერიოდში განსაკუთრებული პოპულარობით სარგებლობდა მკითხველთა ფართო წრეებში; 1961–1964წწ. იყო თბილისის სახელმწიფო უნივერსიტეტის ჟურნალისტიკის კათედრის დოცენტი. ავტორია წიგნებისა : "თეთრი და მწვანე" (ოლიმპიურ თამაშებზე, 1970), "მეხიკო, მეხიკო" (1972) და სხვა. გამოცემული აქვს მრავალი საფეხბურთო ცნობარი, თარგმნა ი. ტრიფონოვის რომანი "სტუდენტები". მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.578; საქართველო: ენციკლოპედია: ტ. IV. -თბ., 2018.-გვ. 473

• საქართველოს სპორტულ ჟურნალისტთა ფედერაცია, თავმჯდომარე (1964-1980)
• საქართველოს ჭადრაკის ფედერაციის პრეზიდიუმი, თავმჯდომარე (1954-1956)

• 1976 - საქართველოს დამსახურებული ჟურნალისტი
• საქართველოს სპორტის დამსახურებული მოღვაწე

• ტოტალური ფეხბურთის ზეიმი : X მსოფლიო ჩემპიონატი (ავტორი). - თბილისი, საბჭ. საქართველო, 1978. - 71გვ.
• მეხიკო, მეხიკო : ნარკვევი ფეხბურთში მექსიკის IX მსოფლიო ჩემპიონატის შესახებ (ავტორი). - თბილისი, საბჭ. საქართველო, 1972. - 31გვ.
• თეთრი და მწვანე : საბჭოთა სპორტსმენები საზღვარგარეთ (ავტორი). - თბილისი, საბჭ. საქართველო, 1970. - 65გვ.