ლიანა ლომიაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1968 წელს (გუნდის დირიჟორობა).

1968-1970წწ. გაიარა სტაჟირება მოსკოვის სახელმწიფო კონსერვატორიაში, პედაგოგი კ. პტიცა, პარალელურად, იყო სსრკ რადიო-ტელევიზიის გუნდის მთავარი ქორმაისტერის ასისტენტი; 1970-1977წწ. იყო საქართველოს მუსიკალურ ქორეოგრაფიული გუნდის ქორმაისტერი და დირიჟორი; 1977-2003წწ. ნ. სულხანიშვილის სახელობის საგუნდო კაპელის დირიჟორი და ქორმაისტერი; 1977 წლიდან ვ. სარაჯიშვილის სახელობის თბილისის სახელმწიფო კონსერვატორიის აკადემიური გუნდის დირიჟორი, ფაკულტეტის პედაგოგი, 2007 წლიდან ასოცირებული პროფესორი; ლაურეატი მოწაფეები: ნ. ჭიხინაშვილი, რ. მორჩილაძე, მ. ფარესიშვილი; ქართული რეპერტუარი: ი. კეჭაყმაძე "ფშაური იდილიები" (1972, პირველი შესრულება), a cappella ციკლიდან "ამერ-იმერი" 3 გუნდი (1982, პირველი შესრულება), გ. ჩლაიძე "ხუთი მწუხარე სიმღერა" (1982, პირველი შესრულება); სხვა რეპერტუარი: ბეთჰოვენი "ფიდელიო" (1974, საკონცერტო შესრულება).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 289; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.175; საქართველო: ენციკლოპედია: ტ.5. -თბ.,2023. -გვ.416

• 1998 - ღირსების მედალი
  ქართულ მუსიკალურ ხელოვნებაში შეტანილი წვლილისა და ნაყოფიერი მოღვაწეობისათვის
• 1986 - საქართველოს დამსახურებული არტისტი