ბესარიონ ერისტოვი

დაბადების ადგილი: ქ. თბილისი.

დაამთავრა ლენინგრადის მიმოსვლის გზათა ინჟინრების ინსტიტუტი 1928 წელს.

მონაწილეობდა რიონჰესის, დნეპრჰესი I-ის, ნოვოსიბირსკის ჰესის, ხრამჰესის, დნეპრჰესი II-ის და თურქმენეთის მთავარი არხის  მშენებლობაში. 1963 წლიდან იყო მოსკოვის ვ. კუიბიშევის სახელობის საინჟინრო-სამშენებლო ინსტიტუტის ჰიდროტექნიკურ სამუშაოთა კათედრის გამგე. მისი სამეცნიერო შრომები ეხება უმთავრესად ჰიდროტექნიკური მშენებლობის საკითხებს. თანამშრომლობდა "თბილჰიდროპროექტთან", "საქჰიდროენერგომშემთან" და ნაგებობებისა და ჰიდროტექნიკური დანადგარების საქართველოს სამეცნიერო-კვლევით ინსტიტუტთან. მიღებული აქვს სახელმწიფო ჯილდოები. II მსოფლიო ომის მონაწილე. პოლკოვნიკ-ინჟინერი, პროფესორი(1963), ტექნიკურ მეცნიერებათა დოქტორი(1970). ინჟინერ-ჰიდროტექნიკოსი.

წყარო: საქართველო: ენციკლოპედია: ტ.III.–თბ., 2014.–გვ.65

• 1970 - რუსეთის დამსახურებული მშენებელი
• 1951 - სტალინური პრემია
  ხრამჰესის მშენებლობისთვის