გიორგი მარგიევი

დაბადების ადგილი: ქ. თბილისი.

დაამთავრა თბილისის სამრეწველო ინსტიტუტი 1933 წელს(ეკონომიკა-გეოგრაფიის სპეციალობა), თბილისის სახელმწიფო კონსერვატორია 1949 წელს(ვოკალური).

1934-1958წწ. იყო თბილისის ოპერისა და ბალეტის თეატრის სოლისტი(დრამატული ბარიტონი); 1937 წლიდან სწავლობდა თბილისის კონსერვატორიაში, პედაგოგი ვ. ქაშაკაშვილი(ვოკალი); 1937-1941წწ. იყო თბილისის IV მუსიკალური სასწვლებლის დირექტორი და პედაგოგი(ვოკალი); 1948 წლიდან თბილისის კონსერვატორიის პედაგოგი, 1963 წლიდან დოცენტი; მოწაფეები: ა. აღლაძე, მ. დონაძე, რ. კაკაბაძე; 1958 წელს მოსკოვში ქართული ხელოვნების დეკადის მონაწილე; 1967 წლიდან კიევის კონსერვატორიის პედაგოგი; ქართული რეპერტუარი: მურმანი(ზ. ფალიაშვილი "აბესალომ და ეთერი"), გოჩა( მ. ბალანჩივაძე "დარეჯან-ცბიერი"), თამაზი(ი. ტუსკია "სამშობლო"), ლადო(გრ. კილაძე "ლადო კეცხოველი"), ზაქროს მამა(ა. ანდრიაშვილი "კაკო ყაჩაღი"), გრაფი ნესელროდე(დ. თორაძე "ჩრდილოეთის პატარძალი", პრემიერა 1958); სხვა რეპერტუარი: ამონასრო, რიგოლეტო, ჟერმონი, დი ლუნა(ვერდი "აიდა", "რიგოლეტო", "ტრავიატა", "ტრუბადური"), ტონიო(ლეონკავალო "ჯამბაზები"), ესკამილიო(ბიზე "კარმენი"), მარსელი(პუჩინი "ბოჰემა"), ონეგინი, ტომსკი(ჩაიკოვსკი "ევგენი ონეგინი", "პიკის ქალი"), გრიაზნოი(რიმსკი-კორსაკოვი "მეფის საცოლე"), იგორი(ბოროდინი "თავადი იგორი"), კოჩურა(ჩიშკო "ჯავშნოსანი პოტიომკინი").

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 297; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.530

• 1957 - საქართველოს დამსახურებული არტისტი