ლადო კოტეტიშვილი

დაბადების ადგილი: სოფელი დიდი თონეთი, თეთრიწყაროს რაიონი.

დაამთავრა  ხარკოვის უნივერსიტეტის სამედიცინო ფაკულტეტი 1919 წელს.

1922-1924წწ. მუშაობდა სოფლის ექიმად თელავის რაიონში; 1924-1932წწ. თბილისის ფსიქიატრიულ საავადმყოფოში, 1932-1940წწ. სანიტარიისა და ჰიგიენის სამეცნიერო-კვლევით ინსტიტუტში უფროს მეცნიერ თანამშრომლად ეგრეთწოდებულ სახალხო მედიცინის დარგში. ტექსტოლოგიურად დაამუშავა და გამოაქვეყნა ძველი ქართული სამედიცინო წერილობითი ძეგლები: "წიგნი სააქიმო" (1936), "იადიგარ დაუდი" (1938), "უსწორო კარაბადინი" (1940). გარდა იმისა, რომ პროფესიონალი ექიმი იყო, წერდა, ხატავდა, აქანდაკებდა... "ლიტერატურულ პალიტრაში" დაიბეჭდა მისი მოთხრობები: "კეთროვანთა ზღაპრები", "გოჩმანა", "მიმქრალი ჩრდილები". ნევროპათოლოგი, ქართული მედიცინის ისტორიის მეცნიერული კვლევის ფუძემდებელი. 

წყარო: თბილისი – ენციკლოპედია. – თბ., 2002 – გვ.612; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.133; საქართველო: ენციკლოპედია: ტ.5. -თბ.,2023. -გვ.189