ოთარ მაღრაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1977 წელს (საფორტეპიანო).

1972 წელს იყო ანსამბლ "ბერმუხას", 1978–1979წწ. ანსამბლ "ოროველას", 1980–1989წწ. ჯაზ–კვარტეტის წევრი; საქართველოს სახელმწიფო ფილარმონიისა და საქართველოს ტელე-რადიოკომიტეტის თანამშრომელი; 2000 წლიდან თბილისის მერიის ბიგ–ბენდის, 2002 წლიდან თბილისის დიქსილენდის, 2003 წლიდან ჯაზ–კვინტეტი "ნოსტალგიის" წევრი; ჯაზ–კვარტეტი "თბილისის" დამაარსებელი და ხელმძღვანელი (ო. მაღრაძე – ფორტეპიანო, ო. საგანელიძე – კონტრაბასი, დ. ოძელაშვილი – ფლეიტა, ვ. ფაილოძე – დასარტყამი); 1999 წლიდან ტრიო "თბილისი"–ს წევრი; 1988–2007წწ. სხვადასხვა ჯაზ–ფესტივალების მონაწილე: დონეცკი (1982, 1983), თბილისი (1978, 1986, 1999), სანკტ–პეტერბურგი (1985), მოსკოვი (1986), ტალინი(1987), ზაარბრიუკენი(1988, 1989), სოხუმი, ვარშავა (1989), ჰანოვერი, თბილისი IV(2000), თბილისი VI (2002), ერევანი (2005), ვილნიუსი (2007); ქ. ზაარბრიუკენის 1000 წლის იუბილისადმი მიძღვნილი ფესტივალის მონაწილე; თანამშრომლობდა: ცნობილ მუსიკოსებთან - ჩაკა ჰანი, როლანდ ჰანა, ჟან-ლუკ პონტი, უილიამ ლეკონტი; 2010 წელს იყო ლ. ისაკაძის საერთაშორისო ფესტივალის "ღამის სერენადები" მონაწილე, ცნობილ ჯაზმენთან, ტენორ-საქსოფონისტ ბენი გოლდსონთან ანსამბლში; 2019 წელს მისი ავტორობით გამოიცა ნოტების ალბომი "რვა ჯაზური კომპოზიცია". 2020 წელს მიუნსტერში (გერმანია) გამართა სოლო კონცერტი. ეწევა პედაგოგიურ მოღვაწეობას. პიანისტი, ჯაზის მუსიკოსი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 303; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია:georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 592

• ქ. ზაარბრიუკენის 1000 წლის იუბილისადმი მიძღვნილი ფესტივალი, სპეციალური მედალი "საუკეთესო ნამუშევარისთვის"