გიორგი ლომთათიძე

დაბადების ადგილი: ქ. ცხინვალი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1936 წელს; ხოლო ასპირანტურა არქეოლოგიის განხრით.

1965 წლიდან სიცოცხლის უკანასკნელ დღემდე ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტში განაგებდა მის მიერვე დაარსებულ შუა საუკუნეების არქეოლოგიის განყოფილებას; იგი უშუალოდ მონაწილეობდა ციხე ქალაქ უჯარმის, ნადარბაზევის, ძველი თბილისის "განჯის კარის", ურბნისის, ვარციხის, კვეტერის, ხვამლის და სხვა ექსპედიციებში; დიდი ამაგი დასდო საქართველოს უძველესი დედაქალაქის მცხეთის ისტორიული წარსულის შესწავლას; მნიშვნელოვანი აღმოჩენები ჰქონდა არმაზისხევში, ბაგინეთსა და სამთავროში; წლების მანძილზე მცხეთის მიდამოებში წარმოებულ გათხრებს ხელმძღვანელობდა; იყო ქართული ლიტერატურისა და კულტურის ბრწყინვალე მცოდნე, 75 ნაშრომის ავტორი; მას ეკუთვნის ასევე ამერიკელი მწერლის დოს პასოსის რომანის "42 პარალელის" თარგმანი.

წყარო: მამულიშვილთა სავანე. - თბ., 1994. - გვ.238

• ქართული კულტურის მემატიანე : ექვთიმე თაყაიშვილი (ავტორი). - თბილისი, საბჭ. საქართველო, 1990. - 216გვ.
• არქეოლოგიური კვლევა-ძიება ალგეთისა და ივრის ხეობაში (ავტორი). - თბილისი, მეცნიერება, 1989. - 323 გვ.
• საქართველოს მოსახლეობის კულტურა და ყოფა I-XIII სს. : არქეოლოგიური მასალების მიხედვით (ავტორი). - თბილისი, მეცნიერება, 1977. - 171გვ.