ივანე კონიაშვილი

დაბადების ადგილი: ქ. თბილისი.

დაამთავრა პეტროგრადის სამხედრო სამედიცინო აკადემია 1913 წელს.

1924–1930წწ. ეცნობოდა საკურორტო სამკურნალო საქმეს გერმანიაში, იტალიაში, საფრანგეთში და ჩეხოსლოვაკიაში. 1930–1936წწ. იყო თბილისის სახელმწიფო სამედიცინო ინსტიტუტის ფიზიოთერაპიისა და კურორტოლოგიის კათედრის გამგე, ერთდროულად, 1928–1938წწ. თბილისის კურორტოლოგიისა და ფიზიოთერაპიის სამეცნიერო კვლევითი ინსტიტუტის დირექტორი. მან პირველმა დანერგა საქართველოში კურორტოლოგიური კვლევის ბიოქიმიური მეთოდები. იგი შეისწავლიდა შაქრიან დიაბეტს, ბორჯომის წყლის გავლენას და სხვა. იყო საქართველოს ანტირევმატული კომიტეტის ორგანიზატორი და პირველი თავმჯდომარე. იყო კურორტოლოგი და ფიზიოთერაპევტი. პროფესორი (1935). რეპრესირებულია და სიკვდილის შემდეგ რეაბილიტირებული.

წყარო: თბილისი – ენციკლოპედია. – თბ., 2002 – გვ.608; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 150

• Реакция крови на курортные факторы Кобулет при туберкулезе легких и бронхиальной астме (თანაავტორი). - Тбилиси, 1936. - 217с.