ნიკოლოზ ხატიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1952 წელს.

1956–1959წწ. იყო ჯანდაცვის სამინისტროს უფროსი ინსპექტორი; 1959–1964წწ. N1 მედსანნაწილის  მთავარი ექიმი; 1964–1968წწ. ქალაქის გერიატრიული კაბინეტის გამგე; 1968–1972წწ. თბილისის ექიმთა დახელოვნების სახელმწიფო ინსტიტუტის გადაუდებელი თერაპიისა და საექიმო კონტროლის კათედრის ასისტენტი; 1972–1973წწ. N5 სამედიცინო სასწავლებლის დირექტორი; 1973–1974წწ. სამედიცინო ინფორმაციის რესპუბლიკური განყოფილების გამგე; 1974–1976წწ. IV სამმართველოს უფროსის მოადგილე სამკურნალო დარგში. 1976 წლიდან ი. კონიაშვილის სახელობის ინსტიტუტის დირექტორი. მისი სამეცნიერო კვლევის ძირითადი მიმართულებებია: გერონტოლოგია-გერიატრიაში - ხანშიშესულთა და მოხუცთა ასაკში გულ-სისხლძარღვთა სისტემაში განვითარებული ასაკობრივი ცვლილებების გამოვლენა და მასზე ეფექტური ფიზიოლოგიური საშუალებებით ზემოქმედება სიცოცხლის გახანგრძლივების მიზნით; ნერვული სისტემის - უპირატესად უმაღლესი ნერვული მოქმედების როლის განსაზღვრა გულ-სისხლძარღვთა სისტემის პათოლოგიის წარმოშობა-განვითარებაში და მისი წარმატებული მკურნალობისათვის ფიზიკური საშუალებების ძიება, აღმოჩენა და გამოყენება. დოქტორი(1991), პროფესორი(1994). მიღებული აქვს სახელმწიფო ჯილდოები.

წყარო: თბილისი – ენციკლოპედია. – თბ., 2002 – გვ.617; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.135

• საქართველოს ეკოლოგიის მეცნიერებათა აკადემია, წევრი (1995-)
• საქართველოს მედიცინის მეცნიერებათა აკადემია, ნამდვილი წევრი (1994-)

• 1998 - ღირსების ორდენი
  მოსახლეობის ჯანმრთელობის დაცვის საქმეში შეტანილი პირადი დიდი წვლილის, ნაყოფიერი სამეცნიერო-კვლევითი და საზოგადოებრივი მოღვაწეობისათვის
• საქართველოს სახელმწიფო პრემია, მეცნიერებისა და ტექნიკის დარგში