თამაზ მელიავა

დაბადების ადგილი: ქ. თბილისი.

დაამთავრა მოსკოვის კინემატოგრაფიის საკავშირო ინსტიტუტი 1958 წელს.

შემოქმედებითი მოღვაწეობა დაიწყო ა. დოვჟენკოს სახელობის კიევის კინოსტუდიაში; აქ დადგა პირველი ფილმი "უბრალო ნივთი"; 1959 წელს "მოსფილმში" გადაიღო სრულმეტრაჟიანი ფილმები: "ლეონ კუტიურე" და "წყნარი ნავსადგომი", რომლებითაც მიიპყრო მაყურებელთა ყურადრება; მალე ახალგაზრდა რეჟისორი სამშობლოში დაბრუნდა და 1963 წელს ელდარ შენგელაიასთან ერთად გადაიღო ფილმი "თეთრი ქარავანი", რომელმაც საყოველთაო მოწონება დაიმსახურა ჩვენშიც და უცხოეთშიც; ასევე წარმატებით მოიარა ქვეყნის ეკრანები მისმა სრულმეტრაჟიანმა ფილმმა "ლონდრემ"; ნიჭიერმა ხელოვანმა დაგვიტოვა მშვენიერი კინემატოგრაფიული ნაწარმოები - კონსტანტინე გამსახურდიას რომანის "მთვარის მოტაცების" მიხედვით; მას ეკუთვნის კინოსცენარები მხატვრული ფილმებისათვის "გლადიატორი", "სამკაული სატრფოსათვის" და სხვა.; კინორეჟისორი.

წყარო: მამულიშვილთა სავანე. - თბ., 1994. - გვ.265

• 1967 - საქართველოს კომკავშირის პრემია, ფილმისათვის "თეთრი ქარავანი" (ელდარ შენგელაიასთან ერთად)
• საქართველოს ხელოვნების დამსახურებული მოღვაწე