დავით ლორთქიფანიძე

დაბადების ადგილი: სოფელი სალხინო (ყოფ. საქორხიდე), ვანის რაიონი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1927 წელს.

1947–1960წწ. იყო საქართველოს პედაგოგიური სამეცნიერო კვლევითი ინსტიტუტის(ახლანდელი ი. გოგებაშვილის სახ. პედაგოგიურ მეცნიერებათა ეროვნული ინ-ტი) დირექტორი; 1963–1975წწ. თბილისის სახელმწიფო უნივერსიტეტის პედაგოგიური კათედრის გამგე; იკვლევდა პედაგოგიური თეორიის (დიდაქტიკა) და ისტორიის საკითხებს. მისი ნაშრომები თარგმნილი და გამოცემულია რუსულ, მოლდავურ, ჩეხურ, სლოვაკურ, უნგრულ და სხვა ენებზე. იყო პედაგოგიკის ქართული სახელმძღვანელოს (1956, 1970) თანაავტორი და იაკობ გოგებაშვილის თხზულებათა ათტომეულის(1952-1965) ერთ–ერთი რედაქტორი. თბილისის სახელმწიფო უნივერსიტეტში კომენოლოგიის (ი. ა. კომენსკის შემოქმედების შემსწავლელი მეცნიერება) საერთაშორისო ცენტრის ფუძემდებელი. პედაგოგიკის მეცნიერებათა დოქტორი (1947), პროფესორი (1948).

წყარო: თბილისი – ენციკლოპედია. – თბ., 2002 – გვ.630

• რსფსრ პედაგოგიურ მეცნიერებათა აკადემია, წევრ–კორესპონდენტი (1957-)
• საქართველოს მეცნიერებათა დამსახურებული მოღვაწე (1960-)
• საქართველოს პედაგოგთა საზოგადოება, თავმჯდომარე (1961-1986)
• სსრკ პედაგოგიურ მეცნიერებათა აკადემია, წევრ-კორესპონდენტი (1968-)
• სსრკ პედაგოგიურ მეცნიერებათა აკადემია, აკადემიკოსი (1974-)
• ქართული საბჭოთა ენციკლოპედიის მთავარი სარედაქციო კოლეგია, წევრი (1966-1986)

• 1970 - პრაღის კარლოსის უნივერსიტეტის საპატიო დოქტორი
• 1969 - ბრატისლავის იან ამოს კომენსკის სახელობის უნივერსიტეტის საპატიო დოქტორი
• 1969 - ივანე ჯავახიშვილის სახელობის მედალი
• 1960 - იაკობ გოგებაშვილის სახელობის მედალი
• 1960 - კონსტანტინე უშინსკის სახელობის მედალი
• 1957 - იან ამოს კომენსკის სახელობის მედალი

• იან ამოს კომენსკი (ავტორი). - თბილისი, ცოდნა, 1964. - 503გვ.
• დიდაქტიკა : დამხმ. სახელმძღვ. უმაღლ. სასწ. სტუდენტებისათვის (ავტორი). - თბილისი, თბილ. უნ-ტის გამ-ბა, 1963. - 295გვ.