მალიკო მრევლიშვილი

დაბადების ადგილი: ქ. ონი.

განათლება მიიღო ქუთაისის წმინდა ნინოს სახელობის სასწავლებელში, ხოლო შემდეგ ისმენდა ლექციებს პეტროგრადის ქალთა უმაღლეს კურსებზე; სწავლობდა თბილისის უნივერსიტეტის ეკონომიკის ფაკულტეტზე 1918 წლიდან; იყო აკაკი ფაღავას თეატრალური სტუდიის მსმენელი 1922 წლიდან.

წლების მანძილზე მომავალ მსახიობებს ასწავლიდა სასცენო მეტყველებას და იყო ამ დარგის ერთ-ერთი საუკეთესო სპეციალისტი საქართველოში; მისმა სახელმძღვანელოებმა - "ქართული სასცენო მეტყველების ფონეტიკური საფუძვლები", "მხატვრული კითხვის ხელოვნება", "მხატვრული კითხვის მასალების კრებული" და სხვა, დიდი როლი შეასრულეს ქართული სასცენო მეტყველების მეცნიერული და მეთოდოლოგიური პრინციპების შემუშავებაში; თეატრალური მოღვაწე, შოთა რუსთაველის სახელობის სახელმწიფო თეატრალური ინსტიტუტის ერთ-ერთი დამაარსებელი, პროფესორი.

წყარო: მამულიშვილთა სავანე. - თბ., 1994. - გვ.278

• საქართველოს ხელოვნების დამსახურებული მოღვაწე

• ქართული სასცენო მეტყველების ფონეტიკური საფუძვლები : საქ. თეატრისა და კინოს სახ. უნ-ტის სახელმძღვ. სტუდ. (ავტორი). - თბილისი, კენტავრი, 2006. - 164გვ.. - ISBN: 99940-868-6-3
• მხატვრული კითხვის ხელოვნება : საქ. თეატრისა და კინოს სახ. უნ-ტის სახელმძღვ. სტუდ. (ავტორი). - თბილისი, კენტავრი, 2006. - 218გვ.. - ISBN: 99940-868-1-2
• ქართული სასცენო მეტყველების ფონეტიკური საფუძვლები : სასცენო მეტყველების ტექნიკა. (ავტორი). - თბილისი, განათლება, 1966. - 156გვ.