ვალერიან მიზანდარი

დაბადების ადგილი: ქ. ქუთაისი.

პირველად სადირიჟორო პულტთან 17 წლის ასაკში დადგა; 1917 წელს მან ჩამოაყალიბა 65 კაცისგან შემდგარი სამხედრო-სასულე ორკესტრი, რომლის მსგავსიც თბილისში არ ყოფილა; 1918 წლიდან ორკესტრს "სახალხო გვარდიის სამხედრო-სასულე ორკესტრი" ეწოდა; 1919 წლიდან იყო თბილისის ოპერისა და ბალეტის თეატრის დირიჟორი; 1922 წელს მან მხედველობა დაკარგა და 3 წლის განმავლობაში უსინათლოდ დირიჟორობდა, რის გამოც მას "ბრმა დირიჟორი" უწოდეს; დიდი ღვაწლი მიუძღვის ქართველი პროფესიონალი მომღერლებისა და რიგი ინსტრუმენტალისტების აღზრდაში; მასთან გაკვეთილებს იღებდა ე. მიქელაძე და მისივე რჩევით შევიდა თბილისის კონსერვატორიაში; ქართული რეპერტუარი: ვ. დოლიძე "ქეთო და კოტე"; სხვა რეპერტუარი: ვერდი "რიგოლეტო", "აიდა", "ტრავიატა", "ტრუბადური", ბიზე "კარმენი", "მარგალიტის მაძიებლები", ჩაიკოვსკი "ევგენი ონეგინი", "პიკის ქალი"; თხზულებები: თბილისის ოპერისა და ბალეტის სასულე ორკესტრისათვის გადაიტანა მ. ბალანჩივაძის "დარეჯან–ცბიერის" ნაწყვეტები, კ. ფოცხვერაშვილის "მგზავრული", "მხედრული"; საოპერო დირიჟორი, კლარნეტისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 326; geonecropol.com